Ambasadori i Bashkimit Evropian në Tiranë, Luigi Soreca, falënderon të gjithë ata që u angazhuan gjatë muajit gusht për shuarjen e zjarreve në Shqipëri.

Përmes një postimi në rrjetet sociale, kryediplomati i BE jep lajmin se Shqipëria do të përfitojë tani nga një projekt i ri prej 5.5 milionë eurosh për të përmirësuar kapacitetin operacional të Ministrisë së Mbrojtjes.

“Tani që shumica e zjarreve që rrezikuan jetët dhe #mjedisin në Shqipëri ?? janë shuar, është koha të falënderojmë Forcat e Armatosura shqiptare, zjarrfikësit dhe autoritetet vendore që luftuan heroikisht duke rrezikuar jetën e tyre.

Ndiq "TiranaDiplomat.com" në Facebook

Faleminderit! Krenar për mbështetjen e sjellë nga helikopterët ? holandezë ?? dhe çekë ?? dhe ekipet e specializuara të sjella nën mekanizmin e Mbrojtjes Civile të BE-së dhe Ndihmës Humanitare EUCivPro.

Duke parë përpara, është koha të shtohet parandalimi dhe gatishmëria ndaj fatkeqësive. Shqipëria ?? mund të përfitojë tani nga një projekt i ri prej 5.5 Milion eurosh për të përmirësuar kapacitetin operacional të Ministrisë së Mbrojtjes. BE ?? do të jetë gjithmonë pranë Shqipërisë ??në kohë të vështira”, shkruan ambasadori Soreca.