Në “Field Museum” në Chicago, SHBA, është hapur ekspozita “First Kings of Europe” me dëshmi arkeologjike të 11 vendeve të Ballkanit, përfshirë Shqipërinë.

“Hapja e “First Kings of Europe” me dëshmi arkeologjike të 11 vendeve të Ballkanit nga Field Museum në Chicago, një ngjarje e rëndësishme për njohjen e promovimin e kulturës së këtij rajoni të pasur me histori e trashëgim”, shkruan Margariti në Facebook.

“Krenarë që trashëgimia jonë #kulturore bëhet pjesë e një mozaiku të jashtëzakonshëm, krijuar mijëvjeçarë më parë. Field Museum në Chicago, në bashkëpunim me 26 muze dhe institucione shkencore të 11 vendeve në Gadishullin e Ballkanit, hapi për herë të parë muzeun “First Kings of Europe”, me më shumë se 700 objekte origjinale, të prodhuara e të jetuara më shumë se 5000 vjet më parë, në këtë rajon.

Ky muze jo vetëm dëshmon pasurinë tonë, por është edhe një hap më tej në bashkëpunimin ballkanik”, shkruan ministrja Margariti ne rrjetet sociale.