Nga ILIR ÇUMANI

PO SHKULEN EDHE LISAT E FUNDIT TË MBETUR NË KOPSHTIN E ARTIT SHQIPTAR

Ç’farë dhimbje dhe çfarë humbje e madhe….!

Po shkulen edhe Lisat e fundit të mbetur gjallë në kopshtin e Artit Shqiptar…!

Shumë prej tyre ikën dhe po ikin, e tashmë ara nuk janë më fizikisht, por i përkasin nga sot qiellit dhe Panteonit të Artit Shqiptar!

Sa shumë po varfërohemi…!!!

Një tjetër artist është ndarë nga jeta në moshën 75 vjeçare, një nga regjisorët e famshëm dhe mjaft domethënës i Kinematografisë Shqiptare, KRISTAQ MITRO.

Përveç shumë filmave dokumentarë, Kristaq Mitro është regjisor dhe bashkëregjisor i disa prej filmave të njohur artistik, mjaft të sukseshëm si:

“Kur zbardhi një ditë”, “Tokë e përgjakur”, “Liri a Vdekje”, “Dimri i Fundit”, “Nusja dhe shtetrrethimi”, “Në prag të lirisë”, (te ky film është edhe skenarist), “Njeriu i mirë”, “Apasionata”, “Duaje emrin tënd”, “Telefoni i një mëngjesi”, “Një vajzë dhe një djalë”….

Ai është lauruar me disa çmime kombëtare e ndërkombëtare dhe mban titullin “Artist i Merituar”.

Ikja e Tij e shpejtë për në amëshim, është një humbje e madhe për Artin Shqiptar në përgjithësi dhe për Kinematografinë Shqiptare në veçanti.

Lamtumirë Mik Artist, Mjeshtër i regjisurës që le pas një thesar të pasur në trashëgiminë e Artit dhe të Historisë së Filmografisë Shqiptare…

U prehësh në Paqen e merituar!