Kryetari i Partisë së Lirisë, Ilir Meta publikoi foto nga takimi që kandidati i koalicionit “Bashkë Fitojmë” për bashkinë e Lezhës, Pashk Gjoni zhvilloi me gra dhe vajza në këtë qytet.

Në një postim në rrjetet sociale, Meta publikoi foto nga ky takim dhe garantoi mbështetjen për kandidatin e koalicionit “Bashkë Fitojmë”.

“Mbështetje të plotë për programin e kryebashkiakut të ardhshëm të Lezhës, dr. Pashk Gjoni. Përfshirja e grave dhe e vajzave në vendimmarrje dhe mbështetja për forcimin e familjes do të sjellin prosperitet për të gjithë komunitetin e mrekullueshëm lezhjan”, shkroi Meta. /ATSH