Ambasadori i Japonisë në Shqipëri, Takada Mitsuyuki, zgjodhi Gjirokastrën për realizimin e një seti fotografik, ku në qendër kanë qene kostumet popullore dhe tradita.

I veshur me kostumin e burrave të veriut, Ambasadori Takada përcolli mesazhin e ruajtjes dhe trashëgimisë etnografike Shqiptare.

Ndiq "TiranaDiplomat.com" në Facebook

Për fotografin, Roland Tasho ky set fotografik vjen në kuadër të ciklit të promovimit të veshjeve tradicionale nga të huaj, dhe kryesisht Ambasadorë.

Promovimi i kostumografisë Shqiptare nga personalitete të diplomacisë vjen edhe në kuadër të festivalit Folklorik Kombëtar, i cili do të mbahet në fund të muajit qershor në Gjirokastër.

Nga ana tjetër ky lloj promovimi mbetet një hallkë e rëndësishme e zinxhirit turistik për qytetin e gurtë.