![](https://www.tiranadiplomat.com/wp-content/uploads/2023/06/1-2.jpg)
Manja takon shefin e Inspektoratit Francez të Drejtësisë, Straudo
Ministri i Drejtësisë, Ulsi Manja priti sot në një takim Christophe Straudo, shef i Inspektoratit Francez të Drejtësisë.
![](https://www.tiranadiplomat.com/wp-content/uploads/2023/06/1-2.jpg)
Ministri i Drejtësisë, Ulsi Manja priti sot në një takim Christophe Straudo, shef i Inspektoratit Francez të Drejtësisë.
Manja bëri të ditur se me Straudon ndau qëndrimin e përbashkët për rolin e rëndësishëm që kanë Inspektorati Francez i Drejtësisë dhe ILD në Shqipëri, si garantë kushtetues të llogaridhënies së sistemit të drejtësisë në të dy vendet.
“Inspektoriati i Lartë i Drejtësisë nën drejtimin e Metanit, me rezultatet e prekshme të punës, si në aspektin e hetimeve disiplinore dhe në atë të rekomandimeve në kuadrin rregullator, u kthye në një institucion të besueshëm për publikun shqiptar”, vlerësoi Manja.
Ai falënderoi Straudon për bashkëpunimin dhe mbështetjen e ofruar për Inspektoratin e Lartë të Drejtësisë në Shqipëri dhe e garantoi që Ministria e Drejtësisë do të ofrojë gjithë mbështetjen e duhur për ILD sipas ligjit.
“Për ne, një sistem drejtësie i pavarur, i aftë dhe i ndershëm, është themeli i demokracisë dhe lirisë së çdo qytetari”, theksoi Manja.