Kryetarja e Kuvendit, Lindita Nikolla përcolli sot urimet në ditën e shpalljes së Republikës së Italisë.

“Me rastin e 2 Qershorit, ditës së shpalljes së Republikës së Italisë, urime të përzemërta popullit italian, Presidentit të Dhomës së Deputetëve, Lorenzo Fontana dhe Presidentit të Senatit, Ignazio La Russa”, shkruan Nikolla.

Ajo vlerëson se Italia, mikja e çmuar dhe partnerja strategjike e Shqipërisë, është mbështetëse e vendosur e zhvillimit, demokratizimit dhe rrugëtimit tonë evropian.

“Këtë vendosmëri e dashuri për Shqipërinë konstatova edhe gjatë takimeve me Presidentin e Dhomës Fontana dhe Presidentin e Senatit La Russa, në mars të këtij viti. Shpreh bindjen se bashkëpunimi parlamentar dhe i gjithanshëm mes Shqipërisë dhe Italisë do të njohë arritje të reja.”, shkruan Nikolla.