Ministria e Bujqësisë dhe Zhvillimit Rural, Frida Krifca u shpreh sot se, “në vetëm pak muaj jemi sërish në vëmendjen e prestigjozes botërore “Decanter” duke renditur 4 verëra shqiptare mes më të mirave në botë”.

Ministrja e cilësoi këtë fakt, një tjetër sukses ndërkombëtar për verërat shqiptare.

“Decanter World Wine Awards 2023”, një nga konkurset më të mëdha dhe me ndikim në botë i verërave, ka publikuar rezultatet për verërat më të mira për vitin 2022. Mes fituesve është edhe Shqipëria me 4 marka vere. Rreth 74.000 shishe verë u dërguan nga 57 vende në Londër për gjykimin e këtij viti. Gati 240 ekspertë nga e gjithë bota duke renditur verërat më të mira me anë të medaljeve”, theksoi Krifca në një postim në rrjetet sociale.

Shqipëria u vlerësua me 4 medalje: vera “Kuven” ka marrë medaljen e argjendtë dhe “Ara e Dardhës”, “Prestigj Kallmet” dhe “Geg Kallmet superior” kanë arritur të marrin 3 medalje bronzi.

“Ky është një tjetër sukses ndërkombëtar për këtë industri me potencial të jashtëzakonshëm për ekonominë rurale në vendin tonë, duke konfirmuar një sukses të politikës sonë mbështetëse për këtë prodhim identitar të kulturës bujqësore të një vendi”, u shpreh Krifca.