Kryetarja e Kuvendit, Lindita Nikolla dhe delegacioni i Kuvendit të Shqipërisë u pritën në bashkinë e Stokholmit, nga kryetari i këshillit të qytetit, Olle Burell.

Kryetari Burell i njohu miqtë nga Shqipëria me funksionimin e qeverisjes së Stokholmit dhe disa aspekte të zhvillimit dhe shërbimeve publike për qytetarët.

Kryetarja Nikolla u shpreh se, qeverisja vendore është një shtyllë e sistemit demokratik, dhe qeverisja e qytetit të Stokholmit rrezaton jo vetëm në Suedi, por në të gjithë kontinentin, sepse Stokholmi është një qytet me prestigj të lartë ndërkombëtar.

Ndiq "TiranaDiplomat.com" në Facebook

Nikolla inkurajoi bashkinë e Stokholmit, por edhe bashkitë e tjera të Suedisë të ndërtojnë bashkëpunime me bashkitë e Shqipërisë, për t’u dhënë atyre mundësi për të përfituar nga kultura qeverisëse vendore bashkëkohore.