Ministrja e Kulturës, Elva Margariti, e konsideroi një nder, praninë e legjendës së dirigjimit botëror, mjeshtrin Zubin Mehta, në skenën e Teatrit Kombetar të Operas, Baletit dhe Ansamblit Popullor, ku ai drejtoi koncertin e Orkestrës Filarmonike të Beogradit, që festoi 100-vjetorin e krijimit me një rrugëtim në “Ballkanin e Hapur”.

“Ardhja e Zubin Mehtës në Tiranë ishte jo vetëm një ngjarje madhe kulturore, që u dëshmua nga duartrokitjet e gjata të publikut, por edhe një konfirmim që kryeqyteti ynë është futur në agjendat e yjeve botërorë”, shkruan ministrja Margariti.

POSTIMI I MINISTRES MARGARITI

Nder të kishim mes tonë, legjendën e dirigjimit botëror, mjeshtrin Zubin Mehta!

Dy gjeni të kompozicionit Beethoven dhe Berlioz erdhën në skenën e Teatri Kombetar i Operas, Baletit dhe Ansamblit Popullor, nën interpretimin virtuoz të Orkestrës Filarmonike të Beogradit, që feston 100-vjetorin e krijimit me një rrugëtim në “Ballkanin e Hapur”.

Ardhja e Zubin Mehtës në Tiranë ishte jo vetëm një ngjarje madhe kulturore, që u dëshmua nga duartrokitjet e gjata të publikut, por edhe një konfirmim që kryeqyteti ynë është futur në agjendat e yjeve botërorë.