Presidenti i Republikës, Bajram Begaj ndodhet në Azerbajxhan për një vizitë shtetërore me ftesë të homologut të tij, Ilham Aliyev.

Presidenti Begaj u prit mëngjesin e sotëm nga homologu i tij Aliyev.

Pas takimit, Begaj falënderoi Presidentin Aliyev për pritjen shumë miqësore dhe theksoi se, teksa Shqipëria dhe Azerbajxhani festojnë 30 vjet marrëdhënie diplomatike, bashkëpunimi mes dy vendeve është më i fortë se kurrë.

“Faleminderit miku im President Aliyev për pritjen shumë miqësore! Teksa Shqipëria dhe Azerbajxhani festojnë 30 vjet marrëdhënie diplomatike, bashkëpunimi mes dy vendeve është më i fortë se kurrë!”, shkroi Begaj në një postim në rrjetet sociale pas takimit.