Presidenti i Republikës, Bajram Begaj, priti sot në një seancë dëgjimore një përfaqësi të studentëve të Universitetit të Mjekësisë së Tiranës dhe dëgjoi me vëmendje shqetësimet dhe sugjerimet e tyre lidhur me ligjin “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjithshme” në institucionet publike të arsimit të lartë”.

Ky ligj është miratuar nga Kuvendi i Shqipërisë më 21 korrik 2023 dhe është aktualisht në fazën përmbyllëse pranë Presidentit të Republikës.

Presidenti Begaj konsideron se konsultat me palët e interesuara gjatë procesit legjislativ janë një instrument i çmuar për vendimmarrjen institucionale.

Ndiq "TiranaDiplomat.com" në Facebook

Në mbyllje të takimit, Presidenti i siguroi përfaqësuesit e studentëve se do t’i shqyrtojë me seriozitet të gjitha argumentet e paraqitura prej tyre, si dhe argumentet e relatuara nga ligji, para se të veprojë sipas kompetencës dhe procedurës kushtetuese.