Ministrja e Shtetit për Fëmijët dhe të Rinjtë, Bora Muzhaqi zhvilloi sot një takim me një delegacion japonez, ku u diskutua mbi programet dhe nismat që lidhen me teknologjinë për fëmijët dhe të rinjtë.

Në përbërje të delegacionit ishte Hirai Takuya, ish-ministër i Digjitalizimit për 2 mandate radhazi si dhe arkitekt i Agjencisë Digjitale të Japonisë, Miyake Shinichiro, Murai Jun, Ogiwara Norio, Okui Noriaki si dhe ambasadori i Japonisë në Shqipëri, Takada Mitsuyuki.

“Duke ndarë përvojat e të dyja vendeve mike, ekperiencën e tyre mbi zhvillimet teknologjike më të fundit në Japoni, si dhe duke diskutuar për bashkëpunime të mundshme mes vendeve tona. Delegacioni japonez evidentoi dhe potencialin e zhvillimit që ne kemi në këtë fushë multidisiplinare”, shtoi Muzhaqi.

Ndër të tjera, ajo theksoi se interes i veçantë u shpreh edhe për programin “Jashtë Orarit Mësimor” dhe nivelin e dytë të tij, që do të fillojë implementimin së shpejti.