Kryetarja e AMA-s, Krasniqi takim me Co-raporterët e KiE për Shqipërinë

Krasniqi iu ka prezantuar përfaqësuesve evropianë punën e AMA-s dhe rolin si ent rregullator në tregun mediatik në Shqipëri


Kryetarja e Autoritetit i Medias Audiovizive, Armela Krasniqi ka pritur në një takim, Co-raporterët e KiE-së për Shqipërinë, nga grupi i Konservatorëve Evropianë dhe Aleanca Demokratike, Jonut Stroe i grupit të Partisë Popullore Evropiane dhe Bas Klein, zëvendëskryetar i Sekretariatit, Komiteti i Monitorimit, të cilët po zhvillojnë vizitën e tyre periodike faktmbledhëse në Shqipëri.

Gjatë këtij takimi, kryetarja Krasniqi u ka prezantuar përfaqësuesve evropianë punën e AMA-s dhe rolin si ent rregullator në tregAsim Mollazadaun mediatik në Shqipëri.

Në këtë prezantim Krasniqi është ndalur në ndryshimet e bëra në maj të këtij viti, të ligjit “Për mediet audiovizive në Republikën e Shqipërisë”, ndryshime në përputhje me Direktivën 2018 të BE-së.

“Kjo ka forcuar më tej kompetencat e AMA-s, duke rritur rolin e saj në inkurajimin e aktorëve dhe transmetuesve që operojnë në tregun shqiptar, për edukimin mediatik të publikut”, tha Krasniqi.

Krasniqi u shpreh se “gjithashtu u hodh një hap përpara në rritjen e transparencës së pronësisë së ofruesve të shërbimeve mediatike audiovizive, por edhe u inkurajua vetërregullimi dhe bashkërregullimi i tregut, nga plotësimi i mekanizmave legjislativë, gjyqësorë dhe administrativë”.

Gjithashtu Kodi i ri i Transmetimit, i miratuar në korrik të këtij viti, me sesionet e shtuara për luftën kundër diskriminimit, promovimin e barazisë gjinore dhe për parandalimin dhe luftimin e gjuhës së urrejtjes në transmetimet audiovizive, ishin një tjetër temë e këtij takimi.

Bashkëraportuesit e KiE-së për Shqipërinë shprehën interes për punën e Këshillit të Ankesave, për volumin dhe llojin e ankesave më të shpeshta që publiku apo grupet e interesit i drejtojnë AMA-s, por edhe për rezultatet e monitorimit nga AMA të reklamave dhe komunikimeve tregtare që transmetojnë OSHMA-të.

Gjatë bisedës, në përgjigje të interesit të shprehur nga bashkëraportuesit, Krasniqi ka shpjeguar edhe rolin e AMA-s në monitorimin e fushatave zgjedhore dhe masat ndëshkimore të marra gjatë këtij viti për rastet e konstatuara të shkeljes së ligjit.

16-vjetori i anëtarësimit në NATO, Begaj: Shqipëria, anëtare e denjë e Aleancës

Presidenti i Republikës, Bajram Begaj përshëndeti sot me një mesazh 16-vjetorin e anëtarësimit të Shqipërisë në NATO.

Global 360

Kroacia: Nisma ushtarake me Shqipërinë dhe Kosovën, e hapur edhe për partnerët

Sipas Kroacisë, nismës mund t’i bashkohen të gjitha vendet që, po ashtu, duan t’i ofrojnë mbështetje Kosovës dhe Shqipërisë në…

Diplovista

Rama për median greke: Ligji absurd i luftës duhet shfuqizuar

Ligji absurd i luftës duhet shfuqizuar, deklaroi kryeministri Edi Rama në një intervistë për televizionin grek ”MegaTV”, pjesë të së…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Rikthim në tempullin e poezisë

Tre vite më parë, me 18 shkurt 2022 u nda nga jeta poeti Bardhyl Londo!

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

16-vjetori i anëtarësimit në NATO, Begaj: Shqipëria, anëtare e denjë e Aleancës

Presidenti i Republikës, Bajram Begaj përshëndeti sot me një mesazh 16-vjetorin e anëtarësimit të Shqipërisë në NATO.