![](https://www.tiranadiplomat.com/wp-content/uploads/2023/09/erion_veliaj.png)
E drejta e informimit, Veliaj: Tirana një nga qytetet më transparente
Tirana është përzgjedhur si organizatore e Konferencës së 15-të Botërore të Komisionerëve për të Drejtën për Informim, eventi më i madh botëror për sa i përket të drejtës për informim.
![](https://www.tiranadiplomat.com/wp-content/uploads/2023/09/erion_veliaj.png)
Tirana është përzgjedhur si organizatore e Konferencës së 15-të Botërore të Komisionerëve për të Drejtën për Informim, eventi më i madh botëror për sa i përket të drejtës për informim.
Në kuadër të këtij organizimi dhe Ditës Ndërkombëtare të Aksesit të Informacionit, kryebashkiaku i Tiranës Erion Veliaj u shpreh se institucioni që ai drejton, ka qenë gjithjë i hapur për qasjen në informacion ndaj kujdo që ka pasur nevojë.
“Qasja në informacion nuk është privilegj, është domosdoshmëri për një shoqëri të lirë” tha zoti Veliaj. “Njerëzve nuk po ua japim si privilegj. Është një e drejtë që u takon” shtoi ai.
Por për kryetarin e bashkisë së Tiranës Erion Veliaj informacioni në këtë bum teknologjik shpesh paraqet mjaft armiq.
“Nëse e shikoni se çfarë ndodhi me Iranin, ju e kuptoni se sot të dhënat janë vulnerabël. Ndaj dhe Komisioneri i të Drejtës së Informimit dhe institucione të tjera janë përfshirë në një sipërmarrje të jashtëzakonshme për ti riajtur këto të dhëna” tha zoti Veliaj.
Duke folur për transparencën e institucionit që drejton, Veliaj shtoi se Tirana është përzgjedhur si një nga qytetet më transparente , duke e cilësuar këtë si një sukses së stafit të tij. /RTSH
Në Ditën Ndërkombëtare të Aksesit në Informacion ???, së bashku me Komisionerin për të Drejtën e Informimit dhe Mbrojtjen e të Dhënave Personale, Besnik Dervishi, sollëm shembullin e mirë të Bashkisë së Tiranës, si një institucion që ka si mision edhe informimin pa dallim. ?
Posted by Erion Veliaj on Friday, September 29, 2023