Ministrja e Shtetit për Marrëdhëniet me Parlamentin, Elisa Spiropali priti sot në takim kryetarin e komunës së Preshevës, Shqiprim Arifi, dhe kryetarin e kuvendit të komunës, Sami Salihu.

Spiropali u shpreh se, çështje kryesore të takimit ishin zhvillimi i Luginës së Preshevës, problematikat e mprehta që ka sjellë pasivizimi i adresave të shqiptarëve në tokë të tyre, si dhe angazhimi për koordinim mes qeverisë dhe parlamentit për adresimin e respektimit të të drejtave themelore dhe kombëtare të popullsisë shqiptare.

Në vijim të takimit u bisedua për zgjedhjet e ardhshme e rëndësinë që partitë politike dhe faktorët shqiptarë në Luginë të bashkohen në një listë të vetme, si dhe për mundësitë për forcimin e mëtejshëm të bashkëpunimit. /ATSH/

Ndiq "TiranaDiplomat.com" në Facebook