Kryeministri i Kosovës, Albin Kurti, ka pritur sot në takim deputeten shqiptare në Kuvendin e Kroacisë, Ermina Lekaj-Përlaskaj.

Duke nënvizuar marrëdhëniet e shkëlqyera ndërmjet dy vendeve, në takim u bisedua për rolin e komunitetit shqiptar në Kroaci dhe mundësitë e intensifikimit të bashkëpunimit në projekte konkrete në fushën e ekonomisë dhe infrastrukturës.

Kryeministri Kurti falënderoi deputeten Përlaskaj për vizitën dhe kontributin e komunitetit shqiptar në avancimin dhe forcimin e marrëdhënieve mes Kosovës dhe Kroacisë, thuhet në një komunikatë për media.