Nga Elona Agolli

Thënie mbi jetën nga Dritëro …

* Jeta është një libër që nuk mësohet përmendësh .

*Jeta ecën me dy duar plot : njërën me mjaltë, tjetrën me katran.

* Nipit tim të vogël i thashë pa menduar , se jeta është e hidhur dhe ai m’u përgjigj :” Pse nuk i hedh pak sheqer, o gjysh ?”

* I gjalli jeton me dashurinë për të dashurën e tij të vdekur. Ky është një nga dështimet e mëdha të vdekjes .

* Jeta rrjedh dhe ne rrjedhim nga mendtë.

* Jeta është si ta bësh vetë, por edhe si ta bëjnë të tjerët.

* Shpirti nuk ka vdekje . Njeriu jeton nē kujtimet . Të famshmin e kujtojnë librat , bujkun e kujtojnë ata që lërojnë tokën.

* Dialog:
-Do të vdes!- i tha e ëma të birit të vogël.
-Po do të kthehesh prapë?
-Po! Do të kthehem !
-Si flutur?- pyeti i vogli .

* Jeta është ajo që ndodh rreth nesh dhe brenda nesh .

* Në liqenin e gjumit dalin dhe zhyten ëndrrat si peshqit; pastaj humbin…