Presidenti i Lombardisë takon zv/Ministren Bello: Në fokus turizmi i qendrueshëm dhe mjedisi

Një delegacion i rajonit të Lombardisë në Itali është pritur në Ministrinë e Turizmit dhe Mjedisit.


Një delegacion i rajonit të Lombardisë në Itali është pritur në Ministrinë e Turizmit dhe Mjedisit, ndërsa mësohet se në qendër të diskutimeve ishte Turizmi i qendrueshëm, gjithëvjetor dhe në respekt të plotë të mjedisit, mbrojtjes dhe zhvillimit të tij.

Detajet mbi takimin e zhvilluar të premten në Tiranë i ka bërë të ditur zv/Ministrja e Turizmit dhe Mjedisit, Vilma Bello. Sipas saj, me delegacionin italianë u diskua edhe për investimet strategjike në fushën e turizmit.

“Mikpritëm sot në mjediset e Ministria e Turizmit dhe Mjedisit në një takim miqësor e bisedë të frytshme delegacionin e Rajonit të Lombardisë, kryesuar nga Presidenti i saj, Attilio Fontana, shoqëruar nga Raffaele Cattaneo, Nënsekretar Shteti për marrëdhëniet ndërkombëtare dhe evropiane, si dhe funksionarë të tjerë të Rajonit dhe të ambasadës Italiane”, shkruan Bello në rrjetin e saj social.

“Turizmi është, tashmë, prioritet dhe Shqipëria synon turizëm të qëndrueshëm përmes gjithë politikave tona e nismave konkrete që Ministria e Turizmit dhe e Mjedisit tashmë po aplikon, në shërbim të zhvillimit të qëndrueshëm, diversifikimit të ofertës dhe produktit turistik për një turizëm gjithëvjetor, në respekt të plotë të mjedisit, mbrojtjes e zhvillimit të tij”, tha Bello.

“Diskutuam rreth politikave të Qeverisë Shqiptare për investimet strategjike në fushën e turizmit, incentivave fiskale për investitorët e huaj interesuar për bashkëpunim”, shtoi Bello.

“Patëm një shkëmbim shumë interesant të modeleve të politikave mjedisore, konkretisht ekonomisë qarkulluese, mbrojtjes së parqeve kombëtare dhe grumbullimit të ndarë të mbetjeve të riciklueshme. Shprehëm si ekip i Ministrisë së Turizmit dhe Mjedisit mirënjohjen për vizitën e delegacionit, si dhe gatishmërinë për bashkëpunime konkrete me Rajonin e Lombardisë, të konkretizuara me shkëmbime eksperiencash në turizmin dimëror dhe atë rural, si një rajon me zhvillim të spikatur në këtë drejtim, apo edhe për nisma në fushën e ekonomisë qarkulluese”, përfundoi Bello.

(Marrë nga ATSH)

Udhëzim për miratimin e licencave për ripërdorimin e të dhënave të hapura

Ministri i MEKI, Blendi Gonxhja, dhe Komisioneri për të Drejtën e Informimit dhe Mbrojtjen e të Dhënave Personale, Besnik Dervishi…

Global 360

Marrëveshja trepalëshe me Shqipërinë dhe Emiratet, Meloni: Projekt ambicioz, ndërlidhje e re energjetike

Meloni theksoi se është e gëzuar që të nënshkruajë kuadrin e partneritetit strategjik me Kryeministrin Rama për të nisur një…

Diplovista

Hetimet e SPAK-ut, Rama: I qetë e i vendosur që të vijojë beteja ndaj pandëshkueshmërisë

Në një intervistë për Zërin e Amerikës, kryeministri bën një bilanc të zhvillimeve kryesore të vendit, që nga përparimi në…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Bektashizmi dhe Shqipëria!

Historia e Bektashinjve është historia e qëndresës ndaj dhunës, gjatë pushtimit fatal të Perandorisë Turke

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Udhëzim për miratimin e licencave për ripërdorimin e të dhënave të hapura

Ministri i MEKI, Blendi Gonxhja, dhe Komisioneri për të Drejtën e Informimit dhe Mbrojtjen e të Dhënave Personale, Besnik Dervishi…