Takimi BE-Shqipëri, vlerësim i progresit në zbatimin e reformave për integrimin

Në Bruksel u mbajt takimi i 17-të i Komitetit Parlamentar të Stabilizim Asociimit BE-Shqipëri


Në Bruksel u mbajt dje takimi i 17-të i Komitetit Parlamentar të Stabilizim Asociimit BE-Shqipëri, në të cilin mori pjesë Delegacioni i Përhershëm i Kuvendit të Shqipërisë, i përbërë nga deputetët Toni Gogu, kryetar i delegacionit, Jorida Tabaku, Pandeli Majko, Arben Pëllumbi, Enslemvera Zake, Etjen Xhafaj, Niko Kuri, Lavdrim Krashi, Gazment Bardhi, Saimir Korreshi, Zheni Gjergji, Arbi Agalliu dhe Orjola Pampuri.

Në mbledhje mori pjesë edhe Ministri për Evropën dhe Punët e Jashtme, Igli Hasani.

Përfaqësuesit e lartë të institucioneve më të rëndësishme evropiane vlerësuan progresin e vendit në zbatimin e reformave për integrimin evropian, veçanërisht arritjet në reformën gjithëpërfshirëse në drejtësi.

Theksi u vendos në rezultatet e arritura nga institucionet e pavarura të drejtësisë dhe u inkurajua vazhdimi dhe konsolidimi i rezultateve të reformës.

Po kështu, u theksua se procesi screening ka përfunduar me sukses, edhe si rezultat i profesionalizmit dhe bashkëpunimit të ngushtë ndërmjet të gjitha institucioneve kryesore të vendit, përfshirë edhe kontributin në rritje të Kuvendit të Shqipërisë.

Gjatë takimit u diskutua rreth Planit të Rritjes për Ballkanin Perëndimor, të propozuar nga Komisioni Evropian, si mjeti më efikas me të cilin rajoni do të fillojë të përfitojë gradualisht akses më të zgjeruar në tregun e vetëm të BE-së, si dhe do të zvogëlojë hendekun zhvillimor ekonomik me BE-në.

U nënvizua se dialogu midis faktorëve politik brenda vendit është një element i rëndësishëm në rrugën e negociatave për integrimin evropian.

Dialogu dhe bashkëpunimi me Parlamentin Evropian dhe institucionet e BE-së, është intensifikuar dhe ndihmon në avancimin e negociatave.

Në përfundim të takimit u miratua Deklarata e Rekomandimeve të Përbashkëta të Komitetit të Stabilizim Asociimit BE-Shqipëri.

Investime të reja, firmoset memorandumi i bashkëpunimit me Shoqatën Turke të Industrialistëve

Turqia ishte investitori kryesor i huaj në Shqipëri për vitin 2024.

Global 360

Kroacia: Nisma ushtarake me Shqipërinë dhe Kosovën, e hapur edhe për partnerët

Sipas Kroacisë, nismës mund t’i bashkohen të gjitha vendet që, po ashtu, duan t’i ofrojnë mbështetje Kosovës dhe Shqipërisë në…

Diplovista

Rama për median greke: Ligji absurd i luftës duhet shfuqizuar

Ligji absurd i luftës duhet shfuqizuar, deklaroi kryeministri Edi Rama në një intervistë për televizionin grek ”MegaTV”, pjesë të së…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Rikthim në tempullin e poezisë

Tre vite më parë, me 18 shkurt 2022 u nda nga jeta poeti Bardhyl Londo!

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Investime të reja, firmoset memorandumi i bashkëpunimit me Shoqatën Turke të Industrialistëve

Turqia ishte investitori kryesor i huaj në Shqipëri për vitin 2024.