Drejtoresha për Ballkanin Perëndimor në Drejtorinë e Përgjithshme për Fqinjësinë dhe Negociatat e Zgjerimit Valentina Superti, përfundoi vizitën e saj të parë në Shqipëri.

Delegacioni i BE në Tiranë bëri të ditur se, BE-ja mbetet e përkushtuar për të mbështetur përparimin drejt anëtarësimit.

Në takimin me kryenegociatoren, Majlinda Dhuka, u shqyrtua puna në vazhdim për planin e rritjes së Ballkanit Perëndimor.

Ndërsa në takimin me ministrin Blendi Gonxhja u bisedua mbi perspektivat ekonomike dhe inovacionin, krahas ndërveprimeve të frytshme me investitorët dhe përfaqësuesit e biznesit. (ATSH)