Nga Ivaylo Kirov
Ambasadori i Bullgarisë në Shqipëri

Të nderuara Shkëlqesi
Të nderuar mysafirë,
Të dashur miq,

Ju përshëndes përzemërsisht të gjithë ju me këtë rast të veçantë, kur mblidhemi për të përkujtuar Ditën Kombëtare të Bullgarisë, 3 mars.

Është një kënaqësi e madhe dhe privilegj të mirëpresim Kryetarët e Parlamenteve të Shqipërisë dhe Bullgarisë dhe mysafirët tanë të shquar. Prania juaj këtu sot na nderon dhe tregon rëndësinë e miqësisë mes kombeve tona.

3 marsi ka një rëndësi të thellë historike për Bullgarinë. Në këtë ditë në vitin 1878, Bullgaria u çlirua dhe fitoi sovranitetin e vet kombëtar. Kjo ditë simbolizon shpirtin e palëkundur dhe qëndrueshmërinë e popullit bullgar, i cili gjithmonë ka pasur si synim lirinë dhe pavarësinë. Kjo është një ditë krenarie dhe festimi për të gjithë bullgarët, kudo që të ndodhen nëpër botë.

Duke thënë këtë, nuk mund të mos bëj një krahasim me popullin e guximshëm ukrainas që po lufton për të drejtën e vet për liri dhe sovranitet kundër agresionit rus. Paraardhësit e tij luftuan dhe vdiqën njëqind vjet më parë për lirinë e popullit tim dhe tani është koha për të treguar mirënjohjen tonë, është më e rëndësishme se kurrë të qëndrojmë të bashkuar në mbështetje të paqes, demokracisë dhe sovranitetit të kombeve. Bullgaria mbetet e përkushtuar në mbështetjen e Ukrainës në përpjekjet e saj për të mbrojtur integritetin e saj territorial dhe popullin e saj. Ne dënojmë çdo veprim që kërcënon stabilitetin dhe sigurinë e Ukrainës dhe rajonit.

Pas një viti qëndrimi në Shqipëri, po bëj konkluzionet e mia të para dhe mund të them se koha ime në Shqipëri ka qenë jashtëzakonisht pastruese, plot përvoja të paharrueshme dhe takime me konsiderueshme. Trashëgimia e pasur kulturore, traditat e gjalla dhe mikpritja e ngrohtë të Shqipërisë më lanë mua dhe familjes sime një përshtypje të qëndrueshme. Ne gjetëm shumë miq të rinj.

Shkëmbimi kulturor mes dy vendeve tona është i çmueshëm, duke nxitur një kuptim më të madh të ndërsjellë dhe miqësi mes popujve tanë. Në vigjiljen e 1 marsit duhet të kujtojmë dhe traditën bullgare të verores (në bullgarisht – martenica), një simbol i shëndetit, rinovimit dhe ardhjes së pranverës, që prapë tregon sa gjëra të përbashkëta ne – bullgarët dhe shqiptarët kemi mes nesh.

Këtu jam i detyruar të them se i jemi veçanërisht mirënjohës shtetit shqiptar për njohjen e pakicës bullgare si një urë mes dy kombeve tona. Kjo njohje jo vetëm që nderon historinë dhe lidhjet tona të përbashkëta kulturore, por gjithashtu forcon themelet e miqësisë sonë.

Marrëdhëniet mes Bullgarisë dhe Shqipërisë janë shumë të rëndësishme. Bashkëpunimi ynë shtrihet në fusha të ndryshme – politikë, ekonomi, kulturë, arsim. Ne ndajmë objektivin e përbashkët për të forcuar lidhjet tona dypalëshe dhe për të promovuar paqen, stabilitetin dhe prosperitetin në rajon.
Duke festuar Ditën Kombëtare të Bullgarisë, le të rikonfirmojmë angazhimin tonë për thellimin e miqësisë dhe bashkëpunimit mes kombeve tona. Le të vazhdojmë të ndërtojmë ura të kuptimit të mirë dhe respektit të ndërsjellë – në këtë mënyrë hapim rrugën për një të ardhme më të ndritshme dhe më të begatë për të gjithë.

Në përfundim, do të doja të shprehja mirënjohjen time të sinqertë ndaj organizatorëve dhe pjesëmarrësve për përpjekjet e tyre për të mundësuar këtë event. Këtu theksoj falënderimin tim të veçantë për First Investment Bank dhe Drejtorin e saj Ekzekutiv, Z. Bozhidar Todorov, për bujarinë dhe ndihmën e jashtëzakonshme.

Ju uroj një festim të gëzueshëm dhe një ditë të paharrueshme kombëtare. Le të vazhdojë të lulëzojë Miqësia mes Bullgarisë dhe Shqipërisë dhe të forcohet në vitet në vijim. Faleminderit.