
Ambasadori Canaj viziton Arkivin e Jugosllavisë
Vizita u fokusua te modalitetet e bashkëpunimit ndërmjet Arkivave të Jugosllavisë dhe Ambasadës së Republikës së Shqipërisë

Ambasadori i Shqipërisë në Serbi, Dr. Bardhyl Canaj, vizitoi Arkivin e Ish-Jugosllavisë.
Ai u prit nga drejtori i Arkivit të Jugosllavisë, dr. Milan Terziç.
Gjithashtu, mori pjesë edhe Dragan Teodosic, arkivist i lartë dhe shef i Departamentit për Publikimin e Materialit Arkivor dhe Bashkëpunimit Ndërarkivor.
Ndiq "TiranaDiplomat.com" në Facebook
Sipas njoftimit të ambasadës, qëllimi i vizitës ishte biseda për modalitetet e bashkëpunimit ndërmjet Arkivave të Jugosllavisë dhe Ambasadës së Republikës së Shqipërisë, si dhe Arkivit të Jugosllavisë dhe Arkivit Shtetëror të Republikës së Shqipërisë.
Pas takimit drejtori i Arkivit të Jugosllavisë, dr. Milan Terzić shoqëroi ambasadorin në turin njohës në Arkiv.