Sejko pret përfaqësues të bordit ekzekutiv të Deutsche Bundensbank

Guvernatori i Bankës së Shqipërisë, Gent Sejko, priti sot në një takim zyrtar një delegacion nga Banka Qendrore e Gjermanisë, të kryesuar nga Burkhard Balz,


Guvernatori i Bankës së Shqipërisë, Gent Sejko, priti sot në një takim zyrtar një delegacion nga Banka Qendrore e Gjermanisë, të kryesuar nga Burkhard Balz, anëtar i bordit ekzekutiv të Deutsche Bundesbank.

Ky takim u zhvillua në kuadër të programit për “Forcimin e kapaciteteve të Bankave Qendrore në Ballkanin Perëndimor me fokus integrimin në Sistemin Evropian të Bankave Qendrore” dhe bashkëpunimit të deritanishëm të Bankës së Shqipërisë (BSH) dhe Deutsche Bundensbank në lidhje me këtë program.

Vizita e përfaqësuesve të Deutsche Bundensbank synon njohjen nga afër me institucionet pjesë e programit, vlerësimin e përgjithshëm të përfitimit të tyre nga ky program, si dhe përcaktimin e nevojave për të ardhmen.

Guvernatori Sejko e vlerësoi si shumë të frytshëm bashkëpunimin e deritanishëm në kuadër të Programit, i cili ka si objektiv forcimin e kapaciteteve të institucioneve përfituese, kryesisht përmes përmirësimit të mëtejshëm të instrumenteve të tyre analitike dhe politike, nëpërmjet përvetësimit të standardeve më të mira ndërkombëtare dhe evropiane në praktikat kombëtare.

Programi mbështetet nga Bashkimi Evropian (BE), nëpërmjet instrumentit të tij për Asistencën e Para-Anëtarësimit (IPA III).

Sejko u shpreh se gjatë fazës së parë të programit u trajnuan rreth 80 punonjës të Bankës së Shqipërisë, ndërkohë gjatë zbatimit të fazës së dytë deri më tani janë trajnuar 24 punonjës, si dhe është vendosur një bashkëpunim dypalësh ndërmjet stafit të Bankës së Shqipërisë dhe Bankës së Spanjës. Ndërkohë, në komponentin e dytë në nivel kombëtar janë parashikuar 6 bashkëpunime dypalëshe dhe 3 internshipe 10-ditore, nga të cilat do të përfitojnë rreth 70 punonjës të BSH-së.

Aktivitetet e dy komponentëve, rajonal dhe lokal, fokusohen në tema specifike që lidhen me detyrat e bankës qendrore dhe të mbikëqyrjes financiare.

Balz përgëzoi autoritetet për progresin e bërë në aspektin profesional dhe institucional, i cili e ka ndihmuar Shqipërinë në rrugën e saj të zhvillimit ekonomik e social. Gjithashtu, ai shprehu gatishmërinë e tij dhe të Bundesbank për ta ndihmuar Shqipërinë në procesin e integrimit evropian.

Gjithashtu, gjatë takimit u rikonfirmua rëndësia e bashkëpunimit teknik ndërkombëtar si një instrument për dialog institucional, si dhe zhvillimi i mëtejshëm i shkëmbimeve të eksperiencave rreth tematikave në fushat si mbikëqyrja bankare, sistemet e pagesave, siguria kibernetike etj.

Banka Qendrore e Gjermanisë ka rolin drejtues dhe zbatues të Programit për “Forcimin e kapaciteteve të Bankave Qendrore në Ballkanin e Perëndimor me fokus integrimin në Sistemin Evropian të Bankave Qendrore”. Ajo kryeson Komitetin Drejtues të programit dhe ka përgatitur Marrëveshjet e Bashkëpunimit në emër të 19 bankave qendrore të vendeve përfituese dhe Bankës Qendrore Evropiane.

Balla vizitë në birrarinë më të vjetër në Frankfurt. Drejtohet nga njē sipërmarrës shqiptar

Drejtuesi Politik i Partisë Socialiste për Diasporën, Taulant Balla, u takua në Frankfurt me sipërmarrësin shqiptar Fatmir Dulaj, i cili…

Global 360

Arabia Saudite në qendër të politikës së jashtme globale duke pritur bisedimet SHBA-Rusi

Arabia Saudite ka konsoliduar pozicionin e saj në rritje në arenën e çështjeve globale, duke u shfaqur si një pikë…

Diplovista

Mynih – Rama: Zgjedhja e Trump, shans që Europa të zgjohet

Kryeministri Edi Rama i cili ndodhet në Mynih, Gjermani, në kuadër të pjesëmarrjes në Konferencën e 61 të Sigurisë, mori…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Rikthim në tempullin e poezisë

Tre vite më parë, me 18 shkurt 2022 u nda nga jeta poeti Bardhyl Londo!

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Balla vizitë në birrarinë më të vjetër në Frankfurt. Drejtohet nga njē sipërmarrës shqiptar

Drejtuesi Politik i Partisë Socialiste për Diasporën, Taulant Balla, u takua në Frankfurt me sipërmarrësin shqiptar Fatmir Dulaj, i cili…