Sekretari i përgjithshëm i Komitetit Qendror të Partisë Komuniste të Kinës Xi Jinping u takua me Ma Ying-jeou dhe delegacionin e tij të mërkurën në Pekin.

Xi Jinping-u tha se bashkatdhetarët në të dy anët e ngushticës së Tajvanit i përkasin kombit kinez. Kombi kinez është një komb i madh në botë, që ka krijuar një qytetërim të vjetër, të shkëlqyer dhe të pashembullt, për të cilin çdo bir dhe bijë e kombit kinez ndien krenari dhe lavdi. “Historia e gjatë e kombit kinez, e cila përfshin më shumë se 5000 vjet, tregon se paraardhësit tanë u shpërngulën në Tajvan dhe u shtuan përgjatë brezave, dhe bashkatdhetarët tanë në të dy anët e ngushticës së Tajvanit i rezistuan së bashku agresionit të huaj dhe rifituan Tajvanin. Gjatë këtij procesi, kombi kinez ka shkruar historinë e pandashme të të dy anëve të ngushticës së Tajvanit dhe ka ‘gdhendur’ faktin historik se bashkatdhetarët në të dy anët e ngushticës së Tajvanit kanë lidhje gjaku,” tha ai.

Më tej ai shtoi: “Bashkatdhetarët tanë në të dy anët e ngushticës së Tajvanit janë të gjithë kinezë dhe nuk ka asnjë mëri që nuk mund të zgjidhet, asnjë çështje që nuk mund të diskutohet dhe asnjë forcë që mund të na ndajë. Distanca përgjatë ngushticës ka bllokuar vazhdimisht lidhjet e ngushta mes bashkatdhetarëve në të dy anët e ngushticës. Dallimet në sisteme nuk mund të ndryshojnë faktin objektiv se të dy anët e ngushticës së Tajvanit i përkasin të njëjtit vend dhe komb. Ndërhyrja e jashtme nuk mund të ndalojë prirjen historike të bashkimit të familjes dhe të vendit”.

Sipas tij, rinia është shpresa e vendit dhe e ardhmja e kombit. Vetëm nëse të rinjtë në të dy anët e ngushticës së Tajvanit janë mirë, e ardhmja e të dy anëve të ngushticës do të jetë e mirë.

Presidenti Xi Jinping theksoi më tej: “Bashkatdhetarët në të dy brigjet e ngushticës së Tajvanit kanë një gjak të përbashkët, një kulturë të përbashkët dhe një histori të përbashkët dhe më e rëndësishmja, ne kemi një përgjegjësi të përbashkët për kombin dhe një pritshmëri të përbashkët për të ardhmen. Ne duhet ta kuptojmë situatën e përgjithshme të marrëdhënieve ndërmjet brigjeve të ngushticës duke u nisur nga interesat e përgjithshme dhe zhvillimi afatgjatë i kombit kinez.”

“Së pari, duhet të mbrojmë me vendosmëri shtëpinë e përbashkët të kombit kinez. Bashkatdhetarët në të dy anët e ngushticës së Tajvanit duhet të kundërshtojnë me vendosmëri aktivitetet separatiste të ‘pavarësisë së Tajvanit’ dhe ndërhyrjen nga forcat e jashtme, të mbrojnë me vendosmëri atdheun e përbashkët të kombit kinez dhe të kërkojnë së bashku një të ardhme të ndritur të ribashkimit paqësor.”

foto nga Xinhua

“Bashkatdhetarët në të dy anët e ngushticës së Tajvanit dëshirojnë paqen në shtëpitë e tyre dhe bashkëjetesën harmonike me familjet e tyre. Për këtë qëllim, ne duhet të promovojmë zhvillimin paqësor të marrëdhënieve ndërmjet ngushticës. Çelësi është t’i përmbahemi Konsensusit të vitit 1992 që mishëron parimin e ‘Një Kine’. Thelbi është fakti themelor për mirëkuptimin e përbashkët që të dy anët e ngushticës së Tajvanit i përkasin të njëjtit vend dhe komb”, theksoi Xi.

“Së dyti, ne duhet të punojmë fort së bashku për të krijuar mirëqenien afatgjatë të kombit kinez. Ne e kemi marrë gjithmonë parasysh mirëqenien e bashkatdhetarëve tanë tajvanezë dhe kemi marrë drejtimin në ndarjen e mundësive moderne të zhvillimit të stilit kinez me bashkatdhetarët tanë tajvanezë.”

Foto nga Xinhua

“Së treti, ne duhet të formojmë në mënyrë të vendosur një ndjenjë komuniteti për kombin kinez. Në historinë e gjatë, kombi kinez ka krijuar bashkërisht territorin e atdheut, duke përfshirë ishullin e Tajvanit, ka shkruar bashkërisht historinë kineze, ka krijuar bashkërisht kulturën kineze dhe ka kultivuar bashkërisht frymën kombëtare. Ne do të marrim masa më efektive për të promovuar në mënyrë aktive shkëmbimet dhe integrimin e dy brigjeve të ngushticës, në mënyrë që bashkatdhetarët në të dy anët e ngushticës së Tajvanit të kenë biseda të përzemërta, të rrisin besimin gjatë shkëmbimeve dhe të promovojnë harmoninë shpirtërore.”

“Së katërti,” shtoi presidenti Xi, “ne duhet të realizojmë me vendosmëri ringjalljen e madhe të kombit kinez. Pas një shekulli luftë, ne kemi hyrë me sukses në një rrugë modernizimi të stilit kinez dhe kemi hapur një perspektivë të ndritur të përtëritjes kombëtare. Ne do të vazhdojmë të krijojmë kushte më të mira dhe më shumë mundësi për të rinjtë në të dy anët e ngushticës së Tajvanit që të rriten, të bëhen të talentuar dhe të kenë sukses. Shpresojmë që të rinjtë në të dy anët e ngushticës së Tajvanit të mësojnë nga njëri-tjetri dhe të kontribuojnë me forcën e tyre rinore në realizimin e ringjalljes kombëtare.”

Xi Jinping tha më tej se më 3 prill, një tërmet prej 7.3 ballësh ra në brigjet e kontesë Hualien, duke shkaktuar viktima dhe dëme materiale. “Unë shpreh ngushëllime për bashkatdhetarët që vdiqën dhe për njerëzit në zonën e fatkeqësisë”, shtoi presidenti Xi.

Ma Ying-jeou tha nga ana e tij se këmbëngulja në Konsensusin e vitit 1992 dhe kundërshtimi i “pavarësisë së Tajvanit” janë baza e përbashkët politike për zhvillimin paqësor të marrëdhënieve ndërmjet dy anëve të ngushticës. Banorët në të dy anët e ngushticës së Tajvanit i përkasin kombit kinez dhe janë pasardhës të popullit Yanhuang. Ata duhet të thellojnë shkëmbimet dhe bashkëpunimin, të trashëgojnë së bashku kulturën kineze, të përmirësojnë mirëqenien e bashkatdhetarëve në të dy anët e ngushticës së Tajvanit dhe të përparojnë dorë për dore.

Foto nga Xinhua

Burimi: CRI.CN