Ambasadori i BE, Gonzato takon Komisionerin për Mbrojtjen nga Diskriminimi dhe Avokatin e Popullit

Ambasadori i Delegacionit të Bashkimit Europian në Shqipëri, Silvio Gonzato takoi Komisionerin për Mbrojtjen nga Diskriminimi, Robert Gajda dhe Avokatin e Popullit, Erinda Ballanca.


Ambasadori i Delegacionit të Bashkimit Europian në Shqipëri, Silvio Gonzato takoi sot, në takime të ndara, Komisionerin për Mbrojtjen nga Diskriminimi, Robert Gajda dhe Avokatin e Popullit, Erinda Ballanca.

“Komisioneri për Mbrojtjen nga Diskriminimi dhe Avokati i Popullit janë dy institucione të pavarura që luajnë një rol vendimtar në sistemin demokratik të Shqipërisë”, u shpreh Gonzato.

“Të dy, Komisioneri Robert Gajda dhe Avokati i Popullit, Erinda Ballanca bëjnë punë të shkëlqyer në luftën kundër diskriminimit duke mbrojtur të drejtat e njeriut dhe rritjen e llogaridhënies në vend. Parlamenti duhet të adresojë sa më shpejt emërimet e vonuara të drejtuesve të të dy institucioneve,” tha mbasadori i BE-së Silvio Gonzato.

Avokatja e Popullit, Ballanca vlerësoi kontributin e BE-së në promovimin e vlerave demokratike dhe sundimit të ligjit në Shqipëri, duke shprehur angazhimin e institucionit të Avokatit të Popullit për të vijuar adresimin e sfidave aktuale në këto fusha.

Ambasadori Gonzato shprehu përkushtimin e BE-së për të mbështetur proceset reformuese dhe për të ndihmuar në përmirësimin e qeverisjes së mirë dhe të respektimit të të drejtave të njeriut në Shqipëri.

Bashkëbiseduesit theksuan nevojën për një angazhim më të madh të institucioneve në mbrojtjen e të drejtave të njeriut, ku ndër të tjera evidentuan nevojën për një përfshirje më aktive të pushtetit vendor.

Avokatja e Popullit dhe ambasadori Gonzato gjithashtu diskutuan mbi çështje specifike, si gjuha e urrejtjes dhe sfidat aktuale në sistemin penitenciar, duke shprehur nevojën që këto tema të adresohen në mënyrë të përshtatshme, efektive dhe të vazhdueshme.

Ky takim u vlerësua si një hap i rëndësishëm drejt bashkëpunimit të thelluar në përpjekjet për të avancuar drejtësinë dhe respektin për të drejtat e njeriut në Shqipëri.

(Marrë nga ATSH)

Investime të reja, firmoset memorandumi i bashkëpunimit me Shoqatën Turke të Industrialistëve

Turqia ishte investitori kryesor i huaj në Shqipëri për vitin 2024.

Global 360

Kroacia: Nisma ushtarake me Shqipërinë dhe Kosovën, e hapur edhe për partnerët

Sipas Kroacisë, nismës mund t’i bashkohen të gjitha vendet që, po ashtu, duan t’i ofrojnë mbështetje Kosovës dhe Shqipërisë në…

Diplovista

Rama për median greke: Ligji absurd i luftës duhet shfuqizuar

Ligji absurd i luftës duhet shfuqizuar, deklaroi kryeministri Edi Rama në një intervistë për televizionin grek ”MegaTV”, pjesë të së…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Rikthim në tempullin e poezisë

Tre vite më parë, me 18 shkurt 2022 u nda nga jeta poeti Bardhyl Londo!

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Investime të reja, firmoset memorandumi i bashkëpunimit me Shoqatën Turke të Industrialistëve

Turqia ishte investitori kryesor i huaj në Shqipëri për vitin 2024.