Ministri i Ekonomisë, Kulturës dhe Inovacionit Blendi Gonxhja gjatë vizitës zyrtare që zhvilloi në Budapest, vizitoi edhe Parlamentin Hungarez, një nga ndërtesat më të bukura dhe simbolike të kryeqytetit hungarez.

Gonxhja ndau në rrjete sociale momente nga vizita që zhvilloi në Parlamentin Hungarez, teksa e cilësoi këtë objekt, “një pasqyrë e historisë qindravjeçare të këtij vendi”.

“Me kupolën e tij impresionuese, sallat e zbukuruara me detaje të hollësishme dhe koleksionin e jashtëzakonshëm të artit, Parlamenti Hungarez është një thesar kombëtar dhe një atraksion turistik mjaft i preferuar”, u shpreh Gonxhja.

Sipas tij, kjo ishte një vizitë mjaft mbresëlënëse, pjesë e vizitës zyrtare për çështjet ekonomike e të investimeve, me ftesë të ministrit hungarez për Ekonominë Kombëtare.

Gonxhja tha se, “trashëgimia kulturore mbetet ngahera frymëzim universal dhe objekt vlerësimi i
ndërsjellë”.