![](https://www.tiranadiplomat.com/wp-content/uploads/2024/05/arbjan-mazniku-3.jpg)
Mazniku: Rritje domethënëse e pagave për punonjësit e bashkive
Ministri i Shtetit për Pushtetin Vendor, Arbjan Mazniku deklaroi sot se do të ketë një rritje domethënëse të pagave për punonjësit e 61 bashkive në vend.
![](https://www.tiranadiplomat.com/wp-content/uploads/2024/05/arbjan-mazniku-3.jpg)
Ministri i Shtetit për Pushtetin Vendor, Arbjan Mazniku deklaroi sot se do të ketë një rritje domethënëse të pagave për punonjësit e 61 bashkive në vend.
Mazniku zhvilloi një takim me përfaqësues të bashkive ku prezantoi organigramëm e re.
“Përmbyllëm diskutimin me 61 kryetarët e bashkive për strukturimin e ri të stafeve dhe organigramës së re të propozuar për to”, tha Mazniku.
Sipas tij, ndarja në tre shtylla kryesore, aparati i cili kujdeset vetëm për politikbërje, planifikimin e punëve, monitorimin dhe akteve rregullatore, struktura e funksioneve, e cila kujdeset për zbatimin e punëve në territor dhe struktura e shërbimeve që merret me mirëmbajtjen e objekteve dhe territorit të bashkive, do të sjellë efikasitet më të lartë dhe cilësi shërbimi më të mirë për qytetarët.
“Kjo do të pasohet edhe me rritjen domethënëse të pagave ku çdokush që bën të njëjtën punë, do të paguhet njësoj në çdo bashki. Me këtë masë, bashkitë do të mund të konkurrojnë në tregun e punës me sektorin privat duke zbutur vështirësinë për burime njerëzore”, tha ai.
Qeveria ka paralajmëruar vijimin e reformës me rritjen e pagave për të gjithë punonjësit nga data 1 korrik për të arritur objektivin e pagës mesatare prej 900 eurosh në vend.