Manastirliu në Universitetin “Aleksandër Xhuvani”: Mbi 1600 mësues po trajnohen në Elbasan

Universiteti i Elbasanit mbulon trajnimet e mësuesve nga qytetet Peqin, Belsh, Gramsh, Librazhd, Cërrik, Elbasan, Dimal, Skrapar, Poliçan, Kuçovë dhe Berat.


Ministrja e Arsimit dhe Sportit, Ogerta Manastirliu, në kuadër të Programit Kombëtar të Zhvillimit Profesional të Mësuesve 2024-2025 ishte në Universitetin “Aleksandër Xhuvani” në Elbasan, ku vijon trajnimi i mësuesve lëndët e matematikës, fizikës, biologjisë dhe kimisë.

Universiteti i Elbasanit mbulon trajnimet e mësuesve nga qytetet Peqin, Belsh, Gramsh, Librazhd, Cërrik, Elbasan, Dimal, Skrapar, Poliçan, Kuçovë dhe Berat.

Ministrja Manastirliu theksoi rëndësinë e këtij programi dhe rezultatet e tij deri më tani.

“Ne kemi pasur në fokus këtë vit rritjen e aftësive të mësuesve, rifreskimin e njohurive, dhe njohjen e tyre me metodat më efektive dhe moderne të mësimdhënies për një target prej mbi 4 mijë mësuesish. Që nga fillimi i zbatimit të këtij plani në fund të marsit, deri më tani janë angazhuar mbi 3 mijë mësues në këtë plan trajnimi. Vetëm në Elbasan, ne synojmë që deri në muajin qershor dhe më pas për të rifilluar në muajin shtator, të angazhojmë më shumë se 1600 mësues, të cilët do të kenë mundësi të rrisin aftësitë e tyre profesionale për të përmirësuar performancën dhe arritjet e nxënësve tanë në shkolla”, tha Manastriliu në bisedën me mësuesit që janë përfshirë në trajnim.

Programi Kombëtar i Zhvillimit Profesional të Mësuesve parashikon gjithashtu edhe mbështetjen e mësuesve dhe metodave që teknologjia u jep disiplinave të ndryshme. Ky program kombëtar synon të fuqizojë dhe shtrijë njohuritë e mësuesve, duke përfshirë njohjen dhe familjarizimin me testimet ndërkombëtare, si dhe rritjen e aftësive dhe kompetencave të tyre.

“Ky program parashikon gjithashtu mbështetjen e mësuesve dhe metodave që teknologjia ofron për disiplinat e ndryshme. Në module të caktuara, ky program kombëtar i shërben njohjes dhe familjarizimit me testimet ndërkombëtare dhe mbi të gjitha rritjes së aftësive dhe kompetencave të mësuesve”, theksoi Manastirliu

Ky program synon përmirësimin e aftësive dhe njohurive të mësuesve, duke përfshirë trajnimin në fushat e matematikës, fizikës, biologjisë dhe kimisë. Faza e parë e këtij programi përfundon në muajin qershor, për të rinisur me trajnimet në rang kombëtar në fazën e dytë, në muajin shtator.

(Marrë nga ATSH)

Balluku: Rruga e Komanit, ndikim në zhvillimin e turizmit në veri

Rruga e Komanit prej 31 kilometrash, që lidh dy hidrocentralet, atë të Vaut të Dejës me të Komanit, është njëkohësisht…

Global 360

Arabia Saudite në qendër të politikës së jashtme globale duke pritur bisedimet SHBA-Rusi

Arabia Saudite ka konsoliduar pozicionin e saj në rritje në arenën e çështjeve globale, duke u shfaqur si një pikë…

Diplovista

Mynih – Rama: Zgjedhja e Trump, shans që Europa të zgjohet

Kryeministri Edi Rama i cili ndodhet në Mynih, Gjermani, në kuadër të pjesëmarrjes në Konferencën e 61 të Sigurisë, mori…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Rikthim në tempullin e poezisë

Tre vite më parë, me 18 shkurt 2022 u nda nga jeta poeti Bardhyl Londo!

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Balluku: Rruga e Komanit, ndikim në zhvillimin e turizmit në veri

Rruga e Komanit prej 31 kilometrash, që lidh dy hidrocentralet, atë të Vaut të Dejës me të Komanit, është njëkohësisht…