Në bashkitë e Beratit, Divjakës dhe Shkodrës do të pilotohet decentralizimi i disa funksioneve në fushat e arsimit, shëndetësisë dhe bujqësisë.

Ministri i Shtetit për Pushtetin Vendor, Arbjan Mazniku, ministrja e Shëndetësisë dhe Mbrojtjes Sociale, Albana Koçiu, ajo e Bujqësisë dhe Zhvillimit Rural, Anila Denaj dhe ministrja e Arsimit dhe Sportit, Ogerta Manastirliu zhvilluan sot një takim me kryetarët e këtyre tre bashkive, Ervin Demo, Josif Gorrea dhe Benet Beci.

Gjatë takimit u diskutua për procedurat që duhen ndjekur, nevojat e bashkive për mbështjetje me kapacitete financiare dhe njerëzore për t’i kryer këto funksione.
Mazniku bëri të ditur sot se dhënia e më shumë kompetencave për njësitë vendore do të rrisë efikasitetin dhe cilësinë e shërbimeve ndaj qytetarëve në sektorë shumë të ndjeshëm për ta.

Ndiq "TiranaDiplomat.com" në Facebook

“Ne synojmë më shumë shërbime për qytetarët dhe më afër vendbanimit të tyre”, deklaroi ministri Mazniku.

(ATSH)