![](https://www.tiranadiplomat.com/wp-content/uploads/2024/06/gonxhja2-1.jpg)
Rikonstruksioni i shkollave dhe qendrave profesionale, Gonxhja takim me arkitektët
Këto shkolla dhe qendra profesionale do të jenë në shërbim të mbi 10 mijë nxënësve dhe kursantëve çdo vit.
![](https://www.tiranadiplomat.com/wp-content/uploads/2024/06/gonxhja2-1.jpg)
Ministri i Ekonomisë, Kulturës dhe Inovacionit, Belndi Gonxhja zhvilloi një takim me arkitektët që iu bashkuan thirrjes probono për realizimin e 14 projektideve për rikonstruksionin e shkollave dhe qendrave profesionale.
Këto shkolla dhe qendra profesionale do të jenë në shërbim të mbi 10 mijë nxënësve dhe kursantëve çdo vit.
Gonxhja falënderoi të gjitha studiot e arkitekturës që iu përgjigjën kësaj thirrje dhe për AKPT e AKPA që koordinuan këtë proces, i cili kontribuon në rritjen e cilësisë së arsimit dhe formimit profesional.
“Projektidetë do të zbatohen me mbështetjen shtesë për investime që do të jepet nga buxheti i shtetit për të fuqizuar arsimin profesional në funksion të nevojave të tregut të punës”, theksoi Gonxhja.
Arsimi profesional është një shkallë e rëndësishme për zhvillimin personal dhe profesional të një personi. Kjo formë e arsimit fokusohet në zhvillimin e aftësive të nevojshme për t’u përballur me sfidat e tregut të punës dhe për të avancuar në karrierë.
Në një botë ku teknologjia dhe tregu i punës ndryshojnë me shpejtësi, arsimi profesional ofron një bazë të fortë për suksesin dhe qëndrueshmërinë në karrierë.
Arsimi dhe formimi profesional mund t’i vijë në ndihmë në mënyrë të drejtpërdrejtë, si reduktimit të papunësisë në Shqipëri, ashtu dhe parandalimit të krijimit të kësaj papunësie, duke i pajisur të rinjtë me një zanat në përputhje me kërkesat dhe nevojat që ka sot tregu vendas i punës.