![](https://www.tiranadiplomat.com/wp-content/uploads/2024/06/gentian-toshkezi-taulant-balla.png)
Balla takon në Uashington lushnjarin e shpallur “Mjeku më i mirë i Amerikës”
Gentian Toshkëzi, pinjoll i një familje atdhetare myzeqare, është shpallur si “Mjeku më i mirë i Amerikës” (America’s Best Doctor).
![](https://www.tiranadiplomat.com/wp-content/uploads/2024/06/gentian-toshkezi-taulant-balla.png)
Ministri i Brendshëm Taulant Balla gjatë vizitës që po zhvillon në SHBA, u shpreh i entuziazmuar nga takimi që zhvilloi në Uashington me djalin nga Lushnja, Gentian Toshkëzi, pinjoll i një familje atdhetare myzeqare, i shpallur si “Mjeku më i mirë i Amerikës” (America’s Best Doctor).
Balla tha se, “ky ishte takimi më i bukur”, teksa e cilësoi rastin e Gentianit “si shembullin më të shkëlqyer të shqiptarëve që shkëlqejnë me arritjet dhe profesionalizmin e tyre”.
“Gentiani na bën krenarë të gjithëve. Sot ai drejton Departamentin e Neokirurgjisë në spitalin më të rëndësihëm të kryeqytetit amerikan në Uashington. E falenderoj pasi ka treguar atë që mund të bëjnë shqiptarët, duke arritur në nivelin më të lartë si profesionist, një doktor i shkëlqyer që i shërben jo vetëm amerikanëve, por gjithkujt që kërkon shërbime shëndetësore në një prej spitaleve më të rëndësishëm të Uashingtonit”, u shpreh Balla.
(ATSH)
#KrenarpërShqipërinë❤️🦅 Djali nga Lushnja Gentian Toshkëzi, pinjoll i një familje atdhetare myzeqare, i shpallur si “America’s Best Doctor” është shembulli i shkëlqyer i shqiptarëve që shkëlqejnë me arritjet dhe profesionalizmin e tyre🌟🌍👐🏼
Posted by Taulant Balla on Saturday, June 29, 2024