![](https://www.tiranadiplomat.com/wp-content/uploads/2024/07/fbi-logo.jpg)
FBI: Të shtënat kundër Trump ishin tentativë për vrasje
Të shtënat në tubimin e ish-presidentit amerikan Donald Trump po trajtohen si një “tentativë për vrasje”, tha FBI.
![](https://www.tiranadiplomat.com/wp-content/uploads/2024/07/fbi-logo.jpg)
Të shtënat në tubimin e ish-presidentit amerikan Donald Trump po trajtohen si një “tentativë për vrasje”, tha FBI.
Trump u shoqërua drejt sigurisë nga agjentët e Shërbimit Sekret pasi u dëgjuan të shtëna me armë zjarri gjatë mitingut në Pensilvani të shtunën.
Duke shkruar në faqen e tij të mediave sociale Truth Social pas incidentit, Trump tha se një plumb kishte shpuar pjesën e sipërme të veshit të tij të djathtë.
Agjenti special i ngarkuar me zyrën në terren të FBI-së në Pitsburg, Kevin Rojek tha se autoritetet nuk kishin identifikuar ende një motiv.
“Këtë mbrëmje, ne patëm atë që ne e quajmë një atentat kundër ish-presidentit tonë Donald Trump. Është ende një skenë aktive krimi”, tha Rojek në një konferencë për shtyp.
”Autoritetet po punojnë për të identifikuar autorin e dyshuar dhe motivin”, tha ai.
”Një pjesëmarrës në tubim vdiq dhe dy u plagosën rëndë në incident”, tha FBI-ja.
”Sulmuesi i dyshuar gjithashtu ka vdekur”, shtoi ajo (ATSH)