MIK Festival, ngjarja artistike e verës e mbështetur nga Bashkimi Evropian

Opereta “Agimi” u rikthye në teatrin “Andon Zako Çajupi”, si pjesë e MIK Fest, mbështetur nga Delegacioni i Bashkimit Evropian në Shqipëri.


Shtatë dekada pas vënies së parë në skenë, opereta “Agimi” u rikthye në teatrin “Andon Zako Çajupi”, si pjesë e MIK Fest, mbështetur nga Delegacioni i Bashkimit Evropian në Shqipëri. Me regjinë e Inva Mulës, kjo vepër e luajtur për herë të parë në vitin 1954 përçoi edhe njëherë dashurinë për jetën dhe për vendin.

“Jemi krenarë që këtë vit në MIK Fest mbështesim vlerat që shkojnë krah për krah me artin, kulturën dhe traditën e bukur shqiptare”, u shpreh në një postim të tijin online, Delegacioni i BE në Shqipëri.

E veçanta e edicionit të këtij viti ishte bashkëpunimi i MIK Festival me orkestrën e Forcave të Armatosura, koncert i cili u mirëprit nga qytetarët korçarë por edhe vizitorët e shumtë, një pjesë e të cilëve gjendeshin aty enkas për MIK Festival.

Për organizatoren, Inva Mula, ky edicion ishte më i bukuri dhe më i veçanti.

Lidhur me operetën e sjellë pas 70 vjetësh, Mula është shprehur se ajo ishte një vepër e cila e meritonte t’i jepej frymë e dritë, pasi ajo përmban motive të pastra shqiptare dhe është guri i parë i themelit të artit skenik vokal shqiptar.

Përveç shfaqjes në skenën e teatrit “Andon Zako Çajupi”, MIK Festival ka meritat edhe të dixhitalizimit të veprës, duke mundësuar qëndrimin e saj në çdo bibliotekë, për t’i mbetur historisë së muzikës.

Në deklarimet e saj për mediet, Inva Mula u shpreh se MIK Festival, në edicionin e tij të 7-të ishte një festival i ri në moshë, pasi të tillë e bën mosha e artistëve pjesëmarrës, si për shembull kori i drejtuar nga Suzana Turku, i cili kishte një moshë mesatare prej 24 vjeç.

Ky edicion i shtate u çel me udhëtimin artistik me pianistin dhe muzikologun Red Radoja. Më pas, pjesë e festivalit u bë trioja nga Maqedonia e Veriut, ku interpretojnë sopranoja Dëshira Ahmeti, George Petrushevski në oboe dhe Jordan Petrushevki në piano, pati artistë nga Franca si dhe plot artistë vendas të ftuar si: Blerta Zhegu, Ramona Tullumani, Simona Karafili, Dëshira Ahmeti, Gjergji Mani, Ionela Mani, Igli Tuga etj.

Aktiviteti i përmbyllës i edicionit 2024, u zhvillua në oborrin e kishës së Shën Kollit në Voskopojë, me një program të thjeshtë por njëkohësisht shpirtëror, me Ave Mariat nga Shubert, Bah etj., me akustikë natyrale.

Mik Festival i ideuar dhe i drejtuar nga sopranoja shqiptare me famë botërore Inva Mula është përqendruar në Korçë e rrethinat e saj, pasi dhe idea për t’a realizuar, sopranos Mula, i ka lindur pikërisht aty, në këtë qytet që siç thotë ajo, ka stofin e artit të madh.

“Sa më shumë gërmon në Korçë aq më shumë zbulon personazhe që historia i ka marrë në artin shqiptar, por që kanë vendlindjen në Korçë”, shpreht Mula. Madje ajo vete, çmimet e para si këngëtare profesioniste i ka marrë në vitin `87, pikërisht në Korçë.

Mik Festival është ndër të vetmet evente artistike në Shqipëri që ofrohet pa pagesë për të gjithë artdashësit. (ATSH)

Lexo më shumë nga

Dhuka: Shqipëria po ecën para në çeljen e negociatave për 27 kapituj së bashku

Komisioni për Çështjet Europiane shqyrtoi sot projektpozicionin negociues për Grupimin e tretë të kapitujve: “Konkurrueshmeria dhe rritja gjithëpërfshirëse”, për negociatat…

Global 360

Arabia Saudite në qendër të politikës së jashtme globale duke pritur bisedimet SHBA-Rusi

Arabia Saudite ka konsoliduar pozicionin e saj në rritje në arenën e çështjeve globale, duke u shfaqur si një pikë…

Diplovista

Mynih – Rama: Zgjedhja e Trump, shans që Europa të zgjohet

Kryeministri Edi Rama i cili ndodhet në Mynih, Gjermani, në kuadër të pjesëmarrjes në Konferencën e 61 të Sigurisë, mori…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Rikthim në tempullin e poezisë

Tre vite më parë, me 18 shkurt 2022 u nda nga jeta poeti Bardhyl Londo!

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Dhuka: Shqipëria po ecën para në çeljen e negociatave për 27 kapituj së bashku

Komisioni për Çështjet Europiane shqyrtoi sot projektpozicionin negociues për Grupimin e tretë të kapitujve: “Konkurrueshmeria dhe rritja gjithëpërfshirëse”, për negociatat…