![](https://www.tiranadiplomat.com/wp-content/uploads/2024/06/balla.png)
Balla: Prioritet, vetëpastrimi i Policisë nga ata që e turpërojnë uniformën
Ministri i Brendshëm, Taulant Balla reagoi sot për vendosjen para drejtësisë të pesë punonjësve të Policisë së Shtetit, të dyshuar për kryerjen e disa veprave penale.
![](https://www.tiranadiplomat.com/wp-content/uploads/2024/06/balla.png)
Ministri i Brendshëm, Taulant Balla reagoi sot për vendosjen para drejtësisë të pesë punonjësve të Policisë së Shtetit, të dyshuar për kryerjen e disa veprave penale.
Balla u shpreh se, përpjekja për vetëpastrimin e Policisë nga ata që e turpërojnë uniformën, mbetet një nga prioritetet e tij si Ministër i Brendshëm.
“E vura disa herë në dukje sot në komisionet parlamentare, ndërsa prezantova Projektligjin e ri “Për Policinë e Shtetit”, se policimi është një profesion fisnik që kërkon integritet, guxim dhe ndjenjë të thellë të detyrës”, theksoi Balla në reagim.
“Prandaj përpjekja për vetëpastrimin e Policisë nga ata që e turpërojnë uniformën, mbetet një nga prioritetet e mia si Ministër i Brendshëm”, nënvizoi ai.
“Fal punës së mirë hetimore të Agjencisë së Mbikëqyrjes Policore dhe Prokurorisë së Juridiksionit të Përgjithshëm Elbasan, janë vënë para drejtësisë pesë punonjës të Policisë së Shtetit, të dyshuar për kryerjen e veprave penale ”Korrupsion pasiv i personave që ushtrojnë funksione publike”, “Shpërdorimi i detyrës” dhe ”Falsifikim kompjuterik””, shtoi Balla.
(Marrë nga ATSH)