![](https://www.tiranadiplomat.com/wp-content/uploads/2024/07/groote.jpg)
Restaurimi i Muzeut Etnografik të Krujës, Groote: Rrit potencialin e turizmit dhe ekonominë vendore
Muzeu Etnografik i Krujës është një prej 23 siteve të trashëgimisë kulturore i restauruar nga UNOPS dhe partnerët e vetë në kuadër të programit të BE-së për kulturën.
![](https://www.tiranadiplomat.com/wp-content/uploads/2024/07/groote.jpg)
Muzeu Etnografik i Krujës është një prej 23 siteve të trashëgimisë kulturore i restauruar nga UNOPS dhe partnerët e vetë në kuadër të programit të BE-së për kulturën.
Kështu u shpreh sot gjatë ceremonisë së inaugurimit të këtij muzeu të rikonstruktuar falë programit “EU4Culture”, zbatuar nga UNOPS dhe financuar nga BE, përfaqësuesja e UNOPS, Freya von Groote.
Ajo vlerësoi mbështetjen e qeverisë shqiptare për këtë bashkëpunim, si dhe bujarinë e BE-së.
“Kemi arritur diçka me të vërtetë madhështore. Ajo që kemi kuptuar dhe zbuluar është që Muzeu Etnografik i Krujës është transformuar në një hapësirë të gjallë që ju fton të përjetoni historinë e Shqipërisë në mënyrë mbresëlënëse”, u shpreh Groote.
Përfaqësuesja e UNOPS shprehu bindjen se ky muze nuk do të pasurojë vetëm jetën e shqiptarëve por do të rrisë edhe potencialin e turizmit, ekonominë vendore dhe do të krijojë mundësi të ardhurash për komunitetin vendor.
“Restaurimi i muzeut nuk do të ishte i mundur pa përkushtimin e ekspertëve vendorë dhe të espertëve kombëtarë e ndërkombëtarë, specialistëve më të mirë që kanë punuar pa u lodhur për të sjellë në jetë këtë muze”, tha ajo. (ATSH)