![](https://www.tiranadiplomat.com/wp-content/uploads/2024/07/oerd-Bylykbashi.jpg)
Bylykbashi: E drejta e votës për të gjithë shtetasit jashtë Shqipërisë
Deputeti i Partisë Demokratike, Oerd Bylykbashi propozoi sot që të drejtën për të votuar ta kenë të gjithë shtetasit që ndodhen jashtë Shqipërisë, pavarësisht nëse kanë apo jo një adresë të ligjshme në vendin ku ndodhen.
![](https://www.tiranadiplomat.com/wp-content/uploads/2024/07/oerd-Bylykbashi.jpg)
Deputeti i Partisë Demokratike, Oerd Bylykbashi propozoi sot që të drejtën për të votuar ta kenë të gjithë shtetasit që ndodhen jashtë Shqipërisë, pavarësisht nëse kanë apo jo një adresë të ligjshme në vendin ku ndodhen.
Gjatë mbledhjes së Komisionit të Ligjeve, Bylykbashi u shpreh se “Kuvendi e humbi mundësinë për të bërë një reformë në lidhje me rekomandimet e OSB/ODIHR-it”.
“Një komision u zvarrit pa bërë asgjë. Përpjekjet për të bërë diçka ishin boshe. Nuk ka reformë zgjedhore, nuk u trajtuan shqetësimet kryesore në zgjedhje”, tha ai.
Ndërkohë Bylykbashi u ndal te votimi nga jashtë Shqipërisë.
“Jo thjesht vota e diasporës, por për të gjithë ata që për një arsye të rëndësishme dhe në një kohë të caktuar ndodhen jashtë Shqipërisë. Këta mund të jenë emigrantë të ligjshëm dhe të paligjshëm. Fakti që kanë një rezidencë apo edhe një vendqëndrim të panjohur nga shteti ku jetojnë, nuk duhet t’i privojë për të votuar. Kanë të drejtën për të votuar të gjithë”, theksoi ai.
Sipas tij, “të gjithë personave që për arsye pune jashtë territorit të Shqipërisë, u lind dhe atyre e drejta të votojnë në mënyrë të sigurtë”.
“Të njëjtën të drejtë kanë studentët dhe ushtarakët dhe ata që janë për kurime afatgjata. Votimi nga jashtë Shqipërisë që përfshin dhe diasporën. Ajo që propozojmë ne, në ndryshim nga viti 2020, është që këta shtetas regjistrohen pa detyrimin që të kenë një adresë të ligjshme atje. Regjistrimi të fillojë në mënyrë fillestare pas miratimit të këtij ligji për çdo shtetas të Shqipërisë, do të regjistrohen nëse kanë ndonjë regjistër diku tjetër. Nuk do të jenë vetëm 18 mijë personat e regjistruar deri më sot”, sqaroi Bylykbashi.
(Marrë nga ATSH)