![](https://www.tiranadiplomat.com/wp-content/uploads/2024/07/gjiknuri.jpg)
Gjiknuri: Listat për votën e diasporës do të jenë gjithmonë publike në KQZ
Përfaqësuesi i Partisë Socialiste për Reformën Zgjedhore në Grupin për Dialogun, Damian Gjiknuri u shpreh sot se listat për votën e diasporës do të jenë gjithmonë publike në KQZ.
![](https://www.tiranadiplomat.com/wp-content/uploads/2024/07/gjiknuri.jpg)
Përfaqësuesi i Partisë Socialiste për Reformën Zgjedhore në Grupin për Dialogun, Damian Gjiknuri u shpreh sot se listat për votën e diasporës do të jenë gjithmonë publike në KQZ.
Në mbledhjen e Komisionit të Ligjeve, Gjiknuri theksoi se adresimet që janë në tavolinë, kanë të bëjmë me tre vendime të Gjykatës Kushtetuese.
“E para, ka të bëjë me votën e diasporës, vendim që ka krijuar më shumë paqartësi për sa i përket zbatimit. Gjykata Kushtetuese ka kërkuar më shumë qartësi për mënyrën si është krijuar ligji. Vendimi i dytë, që ka të bëjë me shfuqizimin e formulës së herësit, por jo heqjen e herësit. Kjo ishte një nga objektivat se përse iniciativa ligjore e PS-së ka të bëjë me korrigjimin e formulës së herësit. Shifra 7 mijë ka qenë tavan. Propozimi jonë nuk gjeti dakordësi, megjithëse unë mendoj se është propozimi më i mirë. Vendimi i tretë ishte vendimi i Gjykatës Kushtetuese, shfuqizimi i pragut që kishte kandidati i pavarur. Për shkak të këtij vakuumi u detyruam dhe paraqitën tri iniciativa”, shtoi ai.
Gjiknuri theksoi se “për ligjin për votën e diasporës gjetëm kompromis”.
“Kjo e bën procesin më me integritet dhe transparencë, sepse listat do të jenë gjithmonë publike në KQZ. Pra, në kohë reale partitë politike, përfaqësuesit e tyre kanë dijeni për të gjithë dinamikën e listës zgjedhore për votuesit që votojnë jashtë”, theksoi ai.
Gjiknuri theksoi se votat do të numërohen në KQZ.
“KQZ ka eksperiencë për numërimin e votave, është transparente. Kemi vënë një kuti aty që në momentin që hapen, për shembull, në qarkun Vlorë ose Durrës, automatikisht fillojnë numërohen dhe votat që vijnë nga diaspora”, tha Gjiknuri.
(ATSH)