Parodistët e Vlorës mbeten një prej grupeve më të dashura të humorit shqiptar.

Pikërisht për të nderuar repertorin e pasur humoristik që ata kanë ofruar në skenat shqiptare po realizohet edhe një murale e posaçme.

Kryeministri Edi Rama ndau sot pamje nga muralja me parodistët e Vlorës, që vjen si një kujtesë për humorin e hollë.

Katër parodistët e Vlorës Afrim Agalliu, Agron Hamo, Mane Lumani dhe Muhamet Lika, i cili është ndarë nga jeta, dolën për herë të parë në skenë në vitin 1974 duke dhuruar të qeshura e gëzim.

Në 50 vite në skenat shqiptare Parodistët e Vlorës vijojnë të jenë po aq aktualë e të dashur për publikun.

(ATSH)