Rama ndan reportazhin e TF1: Shqipëria po fiton përditë statusin e një destinacioni turistik të shumëkërkuar

TF1, kanali më i shikuar televiziv i Francës e ndër më të njohurit në Evropë, i ka kushtuar një reportazh të gjatë Shqipërisë turistike.


TF1, kanali më i shikuar televiziv i Francës e ndër më të njohurit në Evropë, i ka kushtuar një reportazh të gjatë Shqipërisë turistike.

Kryeministri Edi Rama publikoi sot në rrjetet sociale reportazhin e kanalit televiziv francez, ndërsa u shpreh se Shqipëria po fiton përditë statusin e ri të një destinacioni turistik të shumëkërkuar.

“Me fjalë e imazhe të pamendueshme deri disa vjet më parë, kur Shqipëria hynte në ekranet franceze vetëm për ndonjë lajm a fjalë të keqe, si një stereotip i negatives në median ndërkombëtare, për një vend të keqtrajtuar gjatë që sot po fiton përditë statusin e ri të një destinacioni turistik të shumëkërkuar, ku vazhdon një transformim i pandalshëm”, u shpreh Rama për reportazhin.

Me titullin “Riviera tjetër: Bumi i turizmit në Shqipëri”, televizioni i njohur francez, TF1 i ka kushtuar një dokumentar hovit të madh turistik të viteve të fundit të Shqipërisë.

Ndërsa e konsideron vendin “një Eldorado për turizmin në Evropë”, reportazhi i TF1 thekson se udhëtarë nga e gjithë bota tërhiqen nga çmimet ende të ulëta.

“Ujëra të kristalta, hotele elegantë buzë plazhit, kuzhinë e rafinuar dhe një ndjenjë e vërtetë mikpritjeje, Shqipëria na çon në një drejtim tjetër. Brenda pak vitesh, Shqipëria, një ish-diktaturë që nuk kishte reputacion të mirë është kthyer në një Eldorado për turizmin në Evropë. Të tërhequr nga çmimet ende të ulëta, udhëtarët vijnë nga e gjithë bota. Ishin 10 milionë vitin e kaluar, dy herë më shumë se dy vjet më parë, një dhuratë nga perëndia për shumë shqiptarë pas disa vitesh të krizës ekonomike”, vijon dokumentari i realizuar nga Mélanie Gallard.

”Të gjitha këto plazhe të bukura, këto limane të vogla, u japin vërtet kënaqësi të madhe këtyre pushuesve që zgjedhin Shqipërinë për të kaluar disa ditë pushimi… 300 kilometra vijë bregdetare dhe ujëra të pastra si kristali deri në 27 gradë Celsius në gusht. Shqipëria ka një tjetër pasuri, kuzhinën e saj, e bollshme e me çmime të favorshme”, vijon gazetarja. (Marrë nga ATSH)

🤳📹📺🇫🇷TF1, kanali më i shikuar televiziv i Francës e ndër më të njohurit në Europë, i ka kushtuar një reportazh të gjatë Shqipërisë turistike.

🤳📹📺🇫🇷TF1, kanali më i shikuar televiziv i Francës e ndër më të njohurit në Europë, i ka kushtuar një reportazh të gjatë Shqipërisë turistike, me fjalë e imazhe të pamendueshme deri disa vjet më parë, kur Shqipëria hynte në ekranet franceze vetëm për ndonjë lajm a fjalë të keqe, si një stereotip i negatives në median ndërkombëtare, për një vend të keqtrajtuar gjatë që sot po fiton përditë statusin e ri të një destinacioni turistik të shumëkërkuar, ku vazhdon një transformim i pandalshëm🤳🏖️🐚⛵💺🏊‍♀🥙🥘🤽🌊

#KrenarpërShqipërinë❤️🦅
#VetëmPërpara➡️🇪🇺
#SHQIPËRIA2030🇦🇱

Posted by Edi Rama on Tuesday, August 20, 2024

Britania i dhuron pajisje 30,000 paund Policisë Kufitare për luftën kundër krimit

Drejtori i Përgjithshëm i Policisë së Shtetit Ilir Proda priti në takim Menaxherin Rajonal të Zyrës së Operacioneve Ndërkombëtare të…

Global 360

Zv.presidenti i Sheba Medical Center, dr. Yoel Har-EvenHar-Even: Ofrojmë ekspertizën më të mirë!

Qendra Spitalore Universitare “Nënë Tereza”, marrëveshje partneriteti me një nga spitalet më të avancuara në Izrael

Diplovista

Hetimet e SPAK-ut, Rama: I qetë e i vendosur që të vijojë beteja ndaj pandëshkueshmërisë

Në një intervistë për Zërin e Amerikës, kryeministri bën një bilanc të zhvillimeve kryesore të vendit, që nga përparimi në…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Bektashizmi dhe Shqipëria!

Historia e Bektashinjve është historia e qëndresës ndaj dhunës, gjatë pushtimit fatal të Perandorisë Turke

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Britania i dhuron pajisje 30,000 paund Policisë Kufitare për luftën kundër krimit

Drejtori i Përgjithshëm i Policisë së Shtetit Ilir Proda priti në takim Menaxherin Rajonal të Zyrës së Operacioneve Ndërkombëtare të…