![](https://www.tiranadiplomat.com/wp-content/uploads/2024/08/godina.jpg)
Rama: Godinë shumëfunksionale kulturore e rekreative në vendlindjen e At Gjergj Fishtës në Lezhë
Projekti po zbatohet nga Ministria e Ekonomisë, Kulturës dhe Inovacionit në bashkëpunim me Fondin Shqiptar të Zhvillimit.
![](https://www.tiranadiplomat.com/wp-content/uploads/2024/08/godina.jpg)
Në Lezhë po vijojnë punimet për hapësirën memoriale shumëfunksionale ku ka lindur At Gjergj Fishta.
Kryeministri Edi Rama ndau sot në rrjetet sociale foto nga punimet që po kryhen për ndërtimin e godinës shumëfunksionale, e cila do të mirëpresë artistë vendas e të huaj.
“Një godinë multifunksionale kulturore e
rekreative në këtë vend sa historike, aq dhe tërheqëse për peizazhin e mrekullueshëm natyror, që do të përfshijë hapësira të dedikuara për rezidenca artistike, për sesione krijimtarie e ekspozime, për të mikpritur artistët vendas e të huaj, e për të zhvilluar aktivitete të ndryshme kulturore dhe edukative, e jo vetëm”, u shpreh Rama.
Projekti po zbatohet nga Ministria e Ekonomisë, Kulturës dhe Inovacionit në bashkëpunim me Fondin Shqiptar të Zhvillimit.
(ATSH)