Rama: Korabi, destinacion i të pasionuarve pas sporteve në terrene të vështira

Bjeshkët, burimet ujore, faunën, florën dhe mikpritjen e traditë do t’i eksploroni në shoqërinë e guidave profesionale lokale.


Korabi është shndërruar në një destinacion të të pasionuarve pas sporteve në terrene të vështira.

Kryeministri Edi Rama ndau sot pamje me momente nga Korabi.

Kreu i qeverisë theksoi se, “Korabi është jo vetëm një prej krenarive tona natyrore, por tashmë edhe destinacion i të pasionuarve pas sporteve në terrene të vështira”.

Korabi, një nga malet më të larta të Evropës Juglindore (2751 m), është shndërruar në një prej atraksioneve më të pëlqyera nga turistët vendas dhe të huaj.

Vargmali i Korabit është një shtrirje e gjerë natyrore me lëndina të pafund, thyerje të relievit, maja malesh që të japin pamje në perspektivë të horizontit të pasosur, lartësi të mëdha që duke sikur je ngjitur në qiell dhe të gjitha këto shoqërohen nga një florë e larmishme bimësh e lulesh, pa harruar mantelin e vjeshtës që mbështjell peizazhin si një napë e florinjtë.

Itinerari i vargmalit të Korabit është shumë i larmishëm dhe fillon në Kërcin, Hinoske, Rabdisht, Grame, Radomirë.

Shtigjet mund të përshkohen në pesë ditë, por ka edhe shtigje njëditore ku mund të shijohen monumentet e kulturës me arkeologji, xhami dhe kisha në Maqellarë, stanet, kampingjet, shtëpitë pritëse e bujtinat në Radomirë.

Bjeshkët, burimet ujore, faunën, florën dhe mikpritjen e traditë do t’i eksploroni në shoqërinë e guidave profesionale lokale.

Udhëheqësit e guidave janë gjithmonë prijës në shtigjet e vargmalit të Korabit.

(ATSH)

Lexo më shumë nga

16-vjetori i anëtarësimit në NATO, Begaj: Shqipëria, anëtare e denjë e Aleancës

Presidenti i Republikës, Bajram Begaj përshëndeti sot me një mesazh 16-vjetorin e anëtarësimit të Shqipërisë në NATO.

Global 360

Kroacia: Nisma ushtarake me Shqipërinë dhe Kosovën, e hapur edhe për partnerët

Sipas Kroacisë, nismës mund t’i bashkohen të gjitha vendet që, po ashtu, duan t’i ofrojnë mbështetje Kosovës dhe Shqipërisë në…

Diplovista

Rama për median greke: Ligji absurd i luftës duhet shfuqizuar

Ligji absurd i luftës duhet shfuqizuar, deklaroi kryeministri Edi Rama në një intervistë për televizionin grek ”MegaTV”, pjesë të së…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Rikthim në tempullin e poezisë

Tre vite më parë, me 18 shkurt 2022 u nda nga jeta poeti Bardhyl Londo!

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

16-vjetori i anëtarësimit në NATO, Begaj: Shqipëria, anëtare e denjë e Aleancës

Presidenti i Republikës, Bajram Begaj përshëndeti sot me një mesazh 16-vjetorin e anëtarësimit të Shqipërisë në NATO.