Ministri i Haxhit dhe i Umres në Mbretërinë e Arabsë Saudite, Shkëlqesia e Tij, Taufik bin Fauzan al-Rabiah, ka vizituar ditën e sotme Komunitetin Mysliman të Shqipërisë, ku u prit nga kryetari H. Bujar Spahiu, dhe përfaqësues të tjerë të lartë të institucionit.

Ky takim vjen në kaudër të vizitës së tij zyrtare në vendin tonë me ftesë të Kryetarit Spahiu.
Gjatë takimit në KMSH, u diskutua mbi intensifikimin e mëtejshëm të marrëdhënieve mes Ministrisë dhe KMSH-së.

Ndiq "TiranaDiplomat.com" në Facebook

Në fjalën e tij, kryetari Spahiu, pasi i uroi mirëseardhjen Ministrit, e falenderoi atë për angazhimin dhe punën e palodhur në shërbim të haxhinjve, ku me anë të organizimit të tyre lehtësojnë dhe ofrojnë kushte bashkëkohore për të gjithë besimtarët që vizitojnë vendet e shenjta.

Ndërsa Ministri, në fjalën e tij shprehu konsideratë të lartë për Komunitetitn Mysliman të Shqipërisë në organizimin e Haxhit, duke shtuar se ai dhe stafi i tij do të angazhohen vazhdimisht në rritjen e cilësisë së shërbimeve për të ftuarit e Zotit.

Në vijim të axhendës së vizitës së Ministrit të Haxhit dhe të Umres në Mbretërinë e Arabisë Saudite, Shkëlqesia e Tij, Taufik bin Fauzan al-Rabiah, grupet e punës nga të dy institucionet me në krye Kryetarin e Komunitetit Mysliman i Shqipërisë, Bujar Spahiu dhe Ministrin al-Rabiah zhvilluan një takim pune më të detajuar mbi angazhimin dhe intensifikimin e marrëdhënieve dypalëshe.

Gjatë këtij takimi pune u diskutua për përpjekjet e përbashkëta në kuadër të rritjes së numrit të vizitorëve të Arabisë Saudite në Shqipëri dhe anasjelltas.

Po ashtu u diskutua edhe mbi pika të tjera të zhvillimit të mëtejshëm të bashkëpunimit në fusha të ndryshme mes dy vendeve mike, Shqipërisë dhe Arabisë Saudite.