Balla takim me ministrin Marash Dukaj: Shqiptarët e Malit të Zi, faktor i rëndësishëm i ankorimit në BE

Ministri i Shtetit për Marrëdhëniet me Parlamentin, Taulant Balla priti sot në një takim ministrin e Administratës Publike të Malit të Zi, Marash Dukaj.


Ministri i Shtetit për Marrëdhëniet me Parlamentin, Taulant Balla priti sot në një takim ministrin e Administratës Publike të Malit të Zi, Marash Dukaj.

Të dy ministrat diskutuan tema të rëndësishme për forcimin e bashkëpunimit mes dy vendeve, me një vëmendje të veçantë ndaj axhendës së digjitalizimit, zhvillimit të marrëdhënieve dypalëshe dhe të drejtave të shqiptarëve në Malin e Zi.

Ministri Dukaj ndodhet në Tiranë si pjesëmarrës i konferencës rajonale “Formësimi i së Ardhmes së GovTech” për ndërthurjen e teknologjisë dhe qeverisjes në shërbim të qytetarëve.

Gjatë takimit dypalësh të dy ministrat ndanë qëndrimin për t’i dhënë përparësi axhendës së digjitalizimit për modernizimin e shërbimeve publike, si një hap kyç drejt qeverisjes më efikase dhe transparente.

Si një pikë e rëndësishme e takimit u diskutua përfshirja e mëtejshme e shqiptarëve në proceset vendimarrëse dhe jetën politike e kulturore në Malin e Zi, duke vënë gjithashtu theksin në rëndësinë e mbrojtjes dhe zgjerimit të të drejtave të tyre.

Balla vlerësoi rolin e komunitetit shqiptar në sistemin qeverisës të Malit të Zi, si dhe nevojën për intensifikimin e bashkëpunimit ndërkufitar.

“Marash Dukaj para disa vitesh ishte student në Tiranë dhe sot është Ministër për Administratën Publike në Malin e Zi. Ai është një mik i çmuar dhe nuk e fsheh krenarinë atdhetare për ndryshimet e mëdha të Tiranës dhe Shqipërisë gjatë dekadës së fundit. Shqiptarët e Malit të Zi janë një faktor i rëndësishëm i ankorimit të Malit të Zi drejt anëtarësimit në Bashkimin Europian” tha ministri Balla.

Gjithashtu, u diskutua për forcimin e marrëdhënieve dypalëshe, me qëllim rritjen e bashkëpunimit në fusha si administrata publike dhe promovimi i zhvillimit rajonal nëpërmjet projekteve të përbashkëta.

Sipas ministrit ky takim dëshmon përkushtimin e përbashkët për të ndërtuar marrëdhënie të qëndrueshme dhe për të kontribuar në zhvillimin e rajonit tonë.

(ATSH)

Dhuka: Shqipëria po ecën para në çeljen e negociatave për 27 kapituj së bashku

Komisioni për Çështjet Europiane shqyrtoi sot projektpozicionin negociues për Grupimin e tretë të kapitujve: “Konkurrueshmeria dhe rritja gjithëpërfshirëse”, për negociatat…

Global 360

Arabia Saudite në qendër të politikës së jashtme globale duke pritur bisedimet SHBA-Rusi

Arabia Saudite ka konsoliduar pozicionin e saj në rritje në arenën e çështjeve globale, duke u shfaqur si një pikë…

Diplovista

Mynih – Rama: Zgjedhja e Trump, shans që Europa të zgjohet

Kryeministri Edi Rama i cili ndodhet në Mynih, Gjermani, në kuadër të pjesëmarrjes në Konferencën e 61 të Sigurisë, mori…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Rikthim në tempullin e poezisë

Tre vite më parë, me 18 shkurt 2022 u nda nga jeta poeti Bardhyl Londo!

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Dhuka: Shqipëria po ecën para në çeljen e negociatave për 27 kapituj së bashku

Komisioni për Çështjet Europiane shqyrtoi sot projektpozicionin negociues për Grupimin e tretë të kapitujve: “Konkurrueshmeria dhe rritja gjithëpërfshirëse”, për negociatat…