Manastirliu: Nis nga janari programi “Mësues për Greqinë”, mbështetje financiare për mësuesit e diasporës

Ministrja e Arsimit dhe Sportit, Ogerta Manastirliu mori pjesë sot në takimin vjetor të Këshillit Koordinues të Diasporës


Ministrja e Arsimit dhe Sportit, Ogerta Manastirliu mori pjesë sot në takimin vjetor të Këshillit Koordinues të Diasporës, ku theksoi se rëndësinë e Vitit të Gjuhës Shqipe, duke e cilësuar atë si një hap të madh për ndërgjegjësimin dhe promovimin e gjuhës shqipe në mbarë botën.

Manastirliu bëri të ditur se financimi i programit “Mësues për Greqinë,” nga qeveria shqiptare do të nisë zbatimin në fillim të vitit të ardhshëm dhe synon mbështetjen e mësuesve, jo vetëm me ndihmë financiare, por edhe me mjete dhe materiale didaktike për klasat e gjuhës shqipe të fëmijëve të diasporës.

“Kemi ndërtuar për herë të parë dhe po finacojmë një program të dedikuar “Mësues për Greqinë”, duke filluar nga Janari, rreth 50 mësues do të mbështeten financiarisht, por edhe me mbështetje didaktike për klasat e gjuhës shqipe, sipas një kurrikule të përcaktuar dhe ky model padyshim në vitet e ardhshme do të zgjerohet edhe në vende të tjera, si një kontribut direkt i qeverisë shqiptare për mësimin e gjuhës shqipe për fëmijët e diasporës”, tha Manastirliu.

Ndiq "TiranaDiplomat.com" në Facebook

Duke e konsideruar ruajtjen e gjuhës shqipe një mision të rëndësishëm, Manastirliu tha se “regjistri i mësuesve në diasporë është konsoliduar, duke përfshirë qindra mësues që ofrojnë mësim në gjuhën dhe kulturën shqiptare në nivele të ndryshme përmes lidhjeve të arsimtarëve”.

Po ashtu, është përmirësuar ndjeshëm edhe regjistrimi i nxënësve shqiptarë, duke rritur pjesëmarrjen e fëmijëve në këto kurse të organizuara dhe udhëhequra nga arsimtarët e diasporës.

Ministrja Manastirliu foli për punën për finalizimin e të gjitha cikleve të botimeve të Gjuhës dhe Kulturës Shqiptare, të unifikuar për nxënësit e diasporës.

“Kemi përfunduar së bashku me Ministrinë e Arsimit të Kosovës botimin e nivelit të dytë të “Gjuhës dhe Kulturës Shqiptare”. Jemi duke realizuar botimin e përbashkët për nivelin e tretë, duke përfunduar kështu të gjithë serinë e teksteve për mësimin e Gjuhës Shqipe dhe Kulturës Shqiptare. Mund të themi me krenari që viti 2025 do të jetë edhe viti kur fëmijët shqiptarë në diasporë, por edhe mësuesit e tyre, do të kenë në duar të gjithë tekstet, qoftë të nivelit të parë, të dytë dhe atij të tretë që finalizohet së shpejti, për të vijuar mësimin e gjuhës shqipe në të treja nivelet”, tha Manastirliu.

Viti 2024, i shpallur nga Ministria e Arsimit dhe Sportit si Viti i Gjuhës Shqipe, shënjoi një hap të rëndësishëm jo vetëm për sensibilizimin dhe vëmendjen ndaj gjuhës shqipe brenda vendit, por edhe për nismat dhe veprimtaritë e shumta që shoqëruan këtë vit jashtë vendit, të cilat kulmuan me Kuvendin Kombëtar për Gjuhën Shqipe.

Gjatë këtij viti, Ministria e Arsimit dhe Sportit ka shpërndarë mbi 15,000 libra për nxënës shqiptarë në 16 shtete, duke siguruar që fëmijët e diasporës të kenë akses në librat e unifikuar të gjuhës dhe kulturës shqiptare.

Burimi ATSH

Begaj: Përgëzime qytetarëve të Kosovës që shprehën vullnetin e lirë

Presidenti Bajram Begaj uroi sot qytetarët e Kosovës në përfundim të procesit të zgjedhjeve parlamentare.

Global 360

Trump bisedon me Putinin për t’i dhënë fund luftës në Ukrainë

Presidenti amerikan, Donald Trump tha se ka zhvilluar një bisedë telefonike me presidentin rus Vladimir Putin për t’i dhënë fund…

Diplovista

Rama për “La Razón”: Trump mund të jetë një bekim për Evropën, mund ta zgjojë dhe ta bëjë fuqi të madhe

“Trump mund të jetë një bekim për Evropën pasi mund ta zgjojë dhe ta bëjë një fuqi të madhe”, tha…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Shkrimtarët…

Shkrimtarët duhet ta kapërcejnë sa më parë harkun kulturor lokal, për ta bërë letërsinë e tyre emancipuese, universale

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Begaj: Përgëzime qytetarëve të Kosovës që shprehën vullnetin e lirë

Presidenti Bajram Begaj uroi sot qytetarët e Kosovës në përfundim të procesit të zgjedhjeve parlamentare.