Drejtori i Përgjithshëm i Agjencisë Kombëtare të Mbrojtjes Civile, Haki Çako gjatë vizitës në Prishtinë, u prit në një takim nga Drejtori Ekzekutiv i Agjencisë së Menaxhimit Emergjent, Genc Metaj.

Ky takim kishte në fokus forcimin e bashkëpunimit mes dy institucioneve dhe shkëmbimin e përvojave në fushën e menaxhimit të emergjencave civile.

Gjatë takimit, të dy palët diskutuan mbi rëndësinë e koordinimit të përbashkët dhe ndarjes së praktikave më të mira për përmirësimin e reagimit ndaj fatkeqësive natyrore dhe emergjencave civile.

Ndiq "TiranaDiplomat.com" në Facebook

Gjithashtu, drejtuesit e dy institucioneve shprehën angazhimin e tyre për të thelluar më tej bashkëpunimin përmes projekteve të përbashkëta, trajnimeve dhe ushtrimeve.

Çako dhe Metaj konfirmuan vullnetin e ndërsjellë për të vazhduar këtë bashkëpunim, duke synuar krijimin e një sistemi më efikas dhe të qëndrueshëm për menaxhimin e emergjencave në të dyja vendet.