Qeveria i hap rrugën aderimit të Shqipërisë në Konventën e zyrës Evropiane të Komunikacioneve (ECO)

Këshilli i Ministrave ka miratuar sot projektligjin për aderimin e Republikës së Shqipërisë në Konventën për Themelimin e Zyrës Evropiane të Komunikacioneve (ECO), Hagë,


Këshilli i Ministrave ka miratuar sot projektligjin për aderimin e Republikës së Shqipërisë në Konventën për Themelimin e Zyrës Evropiane të Komunikacioneve (ECO), Hagë, më 23 qershor 1993, të ndryshuar në Kopenhagë më 9 prill 2002.

Vendimi i miratuar nga Këshilli i Ministrave, do të kalojë për shqyrtim dhe miratim në Kuvendin e Republikës së Shqipërisë. Ky projektligj ka për qëllim ratifikimin e konventës dhe integrimin e Shqipërisë në këtë organizatë ndërkombëtare të komunikacionit, që ka për qëllim promovimin e zhvillimit të komunikimeve dhe infrastrukturës së transportit ndërkombëtar.

Në mbështetje të nenit 81 të Kushtetutës dhe të nenit 18 të ligjit, “Për marrëveshjet ndërkombëtare në Republikën e Shqipërisë”, ky ligj do të hyjë në fuqi 15 ditë pas botimit në “Fletoren Zyrtare”.

Ky propozim është miratuar me kërkesën e zëvendëskryeministres Belinda Balluku, njëherazi dhe ministre e Infrastrukturës dhe Energjisë.

Zyra Evropiane e Komunikacioneve (ECO) është një organizatë ndërkombëtare që përfshin shtetet anëtare të Evropës dhe që ka për objektiv promovimin e zhvillimit të komunikimeve dhe infrastrukturës ndërkombëtare të transportit.

Ajo ka si qëllim përmirësimin e bashkëpunimit dhe koordinimin ndërmjet shteteve përmes standardeve të përbashkëta në komunikimet dhe transportin ndërkombëtar. ECO luan një rol të rëndësishëm në krijimin e politikave dhe iniciativave që ndihmojnë për zhvillimin e infrastrukturës ndërkombëtare dhe lidhjeve të transportit që mbështesin tregtinë dhe bashkëpunimin ndërkombëtar në Evropë.

Me aderimin në këtë konventë, Shqipëria synon të përfitojë nga mundësitë që ofrohen për modernizimin dhe integrimin e mëtejshëm të infrastrukturës së komunikimeve dhe transportit të saj me ato të Bashkimit Evropian dhe vendeve të tjera të rajonit.

Burimi ATSH

Lexo më shumë nga

Investime të reja, firmoset memorandumi i bashkëpunimit me Shoqatën Turke të Industrialistëve

Turqia ishte investitori kryesor i huaj në Shqipëri për vitin 2024.

Global 360

Kroacia: Nisma ushtarake me Shqipërinë dhe Kosovën, e hapur edhe për partnerët

Sipas Kroacisë, nismës mund t’i bashkohen të gjitha vendet që, po ashtu, duan t’i ofrojnë mbështetje Kosovës dhe Shqipërisë në…

Diplovista

Rama për median greke: Ligji absurd i luftës duhet shfuqizuar

Ligji absurd i luftës duhet shfuqizuar, deklaroi kryeministri Edi Rama në një intervistë për televizionin grek ”MegaTV”, pjesë të së…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Rikthim në tempullin e poezisë

Tre vite më parë, me 18 shkurt 2022 u nda nga jeta poeti Bardhyl Londo!

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Investime të reja, firmoset memorandumi i bashkëpunimit me Shoqatën Turke të Industrialistëve

Turqia ishte investitori kryesor i huaj në Shqipëri për vitin 2024.