Presidenti i SHBA-së, Donald Trump tha se presidenti ukrainas Volodymyr Zelensky dëshiron të vizitojë Uashingtonin të premten.

“Kam dëgjuar se ai do të vijë të premten, sigurisht që është në rregull për mua, nëse ai do të donte”, u tha Trump gazetarëve në Shtëpinë e Bardhë.

Tema kryesore e diskutimit pritet të jetë marrëveshja që i jep Shteteve të Bashkuara të Amerikës akses në burimet minerale në Ukrainë, duke përfshirë tokat e rralla.

Ndiq "TiranaDiplomat.com" në Facebook

Marrëveshja ka qenë në negociata për javë të tëra dhe Trump tha se Zelensky dëshironte të nënshkruante dokumentin me të personalisht.

Megjithatë, Trump nuk dha detaje rreth marrëveshjes së mundshme.

Më herët, raportet e mediave sugjeruan se Ukraina dhe SHBA-ja kishin rënë dakord tashmë për një marrëveshje kornizë.