Shoqata Turke e Industrialistëve dhe Biznesmenëve të Pavarur (MÜSİAD) dhe Korporata Shqiptare e Investimeve (AIC) firmosën memorandumin e bashkëpunimit, duke hapur rrugën për mundësi të reja investimi dhe bashkëpunimi ekonomik midis Shqipërisë dhe Turqisë.

Ministri i Ekonomisë, Kulturës dhe Inovacionit, Blendi Gonxhja, u shpreh sot se ky partneritet synon të nxisë investimet strategjike mes dy vendeve tona.

Gonxhja tha se ky bashkëpunim do të forcojë lidhjet ndërmjet sipërmarrësve të dy vendeve, duke krijuar mundësi të reja për rritje dhe zhvillim.

Ndiq "TiranaDiplomat.com" në Facebook

Turqia ishte investitori kryesor i huaj në Shqipëri për vitin 2024, sipas BSH.

Sipas Bankës së Shqipërisë, totali i investimeve turke në vendin tonë në fund të vitit 2024 shënoi vlerën e 256 milionë euro, me rritje 44% krahasuar me një vit më parë.

Investimet turke shtrihen në pothuaj të gjithë sektorët e ekonomisë.