
Manastirliu: Mbi 2100 mësues ndihmës për fëmijët me aftësi ndryshe në shkolla
Mbi 2100 mësues ndihmës në të gjithë vendin ofrojnë çdo ditë mbështetje të drejtpërdrejtë për fëmijët me aftësi ndryshe.

Mbi 2100 mësues ndihmës në të gjithë vendin ofrojnë çdo ditë mbështetje të drejtpërdrejtë për fëmijët me aftësi ndryshe.
Ministrja e Arsimit dhe Sportit, Ogerta Manastirliu ndau në një postim në rrjetet sociale shembullin e Lulinda Divës, mësuese ndihmëse në shkollën “Hasan Vogli”, prej më shumë se 20 vitesh.
Manastirliu theksoi se “Diva jep kontributin e saj të vyer në ndihmë të fëmijëve me aftësi të veçanta”.
“Ashtu si Lulinda, mbi 2100 mësues ndihmës në të gjithë vendin, ofrojnë çdo ditë mbështetje të drejtpërdrejtë për fëmijët me aftësi ndryshe, duke e bërë arsimin më gjithëpërfshirës. Respekt dhe mirënjohje për të gjithë mësuesit tanë”, tha Manastirliu.
Sot është Dita Botërore e Ndërgjegjësimit për Autizmin. Që kur Asambleja e Përgjithshme e Kombeve të Bashkuara caktoi 2 Prillin si Ditën Botërore të Ndërgjegjësimit për Autizmin (WAAD) në 2007, OKB-ja ka punuar për të promovuar realizimin e plotë të të drejtave të njeriut dhe lirive themelore për individët autikë, duke siguruar pjesëmarrjen e tyre të barabartë në shoqëri.
Burimi ATSH